HBO-ს ბოლო დროის ერთ-ერთი ყველაზე წარმატებული სერიალის, Big Little Lies-ის ვარსკვლავი, ნიკოლ კიდმანი ორ ახალ სერიალში მიიღებს მონაწილეობას, თუმცა ამ შემთხვევაში მსახიობმა კონტრაქტი არა HBO-სთან, არამედ Amazon-თან გააფორმა.

პირველი სერიალი, რომელიც Amazon-ზე კიდმანის მონაწილეობით გავა, ჯანის ლის წიგნის, The Expatriates, ეკრანიზაცია იქნება. მთავარი როლის გარდა კიდმანი შოუს პროდიუსერიც იქნება.

სიუჟეტი ჰონგ-კონგში ვითარდება და ის რამდენიმე ქალის ცხოვრების შესახებ მოგვითხრობს. მათ შორის არის მერსი, კორეელ ამერიკელი გოგო, რომელსაც წარსულში საშინელი ისტორია შეემთხვა, ასევე ჰილარი, დიასახლისი, რომელიც ცდილობს საკუთარი ქორწინება გადაარჩინოს და მარგარეტი - რომელსაც სწამს რომ არასდროს არის გვიანი ცხოვრება თავიდან დაიწყო.

რაც შეეხება მეორე სერიალს, ის Big Little Lies-ის ავტორის, ლიან მორიარტის წიგნის Nine Perfect Strangers ეკრანიზაცია იქნება.

სიუჟეტი ცხრა ადამიანის შესახებ მოგვითხრობს, რომლებიც სამკურნალო კურორტზე ჩადიან. ზოგიერთი მათგანი იმიტომ მიდის იქ, რომ წონაში დაიკლოს, ზოგიერთი იმიტომ, რომ უბრალოდ დასვენება სურთ. მათ ათი დღე აქვთ იმისთვის, რომ ცხოვრება შეცვალონ, თუმცა წარმოდგენაც კი არ აქვთ, თუ რამდენად რთული იქნება ეს დღეები მათთვის.

თუმცა მანამ, სამა კიდმანის ამ ორ სერიალს ვიხილავთ, 2019 წელს ჩვენ HBO-ზე Big Little Lies-ის მეორე სეზონი გველის.