ამერიკელი მომღერალი ჯენიფერ ლოპესი, ტელევიზიის ეკრანიდან კვლავ კინო ეკრანზე ინაცვლებს და 2 წლიანი პაუზის შემდეგ პირველად შეასრულებს როლს მხატვრულ ფილმში.

50 პირველი პაემანის რეჟისორმა პიტერ სეგალმა ახალ რომანტიკულ კომედია Second Act გადაიღო რომელშიც მთავარ როლს სწორედ ჯენიფერი შეასრულებს.

აღსანიშანვია, რომ ამ ფილმის გადაღებაზე საუბარი ჯერ კიდევ 2011 წელს დაიწყო და მთავარი როლი ჯულია რობერტსს უნდა შეესრულებინა, თუმცა როგორც აღმოჩნდა მან ფილმში თამაშზე უარი თქვა.

"ძალიან ბევრი რამ მომწონს ამ პროექტში. ხალხი ქალებს გარკვეული ასაკის შემდეგ არასასურველად თვლის. ეს ფილმიც ამაზეა, ჩვენ ამ ფილმით კიდევ ერთხელ დავამტკიცებთ, რომ ჩვენს ოცნებებს, სურვილებსა და შესაძლებლობებს საზღვარი არ აქვს", - ამბობს ჯენიფერ ლოპესი.

ფილმი ეკრანზე 2018 წლის 21 ნოემბერს გამოვა.