რეჟისორმა გას ვან სენტმა ერთ-ერთ ინტერვიუში გაამხილა, რომ სამი ოსკარის მფლობელი ფილმი, Brokeback Mountain (კუზიანი მთა), თავდაპირველად მას უნდა გადაეღო, მთავარი როლები კი ლეონარდო დიკაპრიოსა და ბრედ პიტს უნდა შეესრულებინათ.

"როდესაც ფილმზე მუშაობა დავიწყე, გადაწყვეტილი მქონდა, რომ ის ძლიერი მსახიობებით უნდა ყოფილიყო დაკომპლექტებული. მთავარი როლის შემსრულებლების სიაში ლეონარდო დიკაპრიო, ბრედ პიტი, მეთ დეიმონი და რაიან ფილი იყვნენ, თუმცა ყველამ უარი განაცხადა. პროექტში მონაწილეობა სხვადასხვა მიზეზების გამო", - ამბობს სენტი.

მსახიობების უარის მიზეზი სხვადასხვა პროექტები გახდა, მაგალითდ ბრედ პიტი ამავე პერიოდში მუშაობდა ფილმებზე ოუშენის 12 მეგობარი და მისტერ და მისის სმიტები. რაც შეეხება ლეონარდოს, ის ამ დროს ავიატორის გადაღებებისთვის ემზადებოდა.

საბოლოო პროექტის გადაღება კინოკომპანიამ ენგ ლის გადააბარა, რომელმაც როლებზე ჰიტ ლეჯერი და ჯეიკ ჯილენჰოლი მიიწვია.