ენ ჰეთეუეი და რებელ უილსონი კრის ედისონის ახალ ფილმში, The Hustle, მთავარ როლებს შეასრულებენ.

ფილმი 1988 წელს გადაღებული ფრანგული კომედიის რიმეიქი იქნება, თუმცა ამ შემთხვევაში მთავარ როლებს არა კაცი, არამედ ქალი მსახიობები მოირგებენ.

ისტორიის ეპიცენტრში წყნარი საკურორტო ქალაქია, მაღალი კლასის კაზინოებითა და მდიდრული ვილებით. ეს კი იდეალური გარემოა სხვადასხვა სახის თაღლითებისთვის. თავისი ხელობის მწვერვალზე მყოფი ერთ-ერთი ასეთი თაღლითი წარმატებით ატყუებს და ართმევს ფულს მდიდარ ხალხს, თუმცა სწორედ ამ დროს ქალაქში მეორე თაღლითი ჩამოდის.

ფილმი ეკრანზე 2019 წლის 10 მაისს გამოვა.