კანის რიგით 72-ე კინოფესტივალი 2019 წელს 14-დან 25 მაისის ჩათვლით გაიმართება. ინფორმაცია ამის შესახებ ფესტივალის ორგანიზატორებმა ოფიციალურად გაავრცელეს.

რაც შეეხება წლევანდელ ფესტივალს, ჟიურის გადაწყვეტილებით ოქროს პალმის რტო რეჟისორმა ჰიროკაძუ კორეედამ მიიღო ფილმისთვის Shoplifters.

წლევანდელი ფესტივალის გამარჯვებულები ასევე გახდნენ:

  • ჟიურის სპეციალური პრიზი ნადინ ლაბაკის ფილმს Capernaum;
  • საუკეთესო ქალი მსახიობი სამალ იესლიამოვა ფილმისთვის - Ayka;
  • საუკეთესო კაცი მსახიობი გახდა მარჩელო ფონტე ფილმში Dogman შესრულებული როლისთვის;
  • საუკეთესო რეჟისურისთვის პრიზი გადეცა პაველ პავლიკოვსკის ფილმისთვის Cold War;
  • გრანპი გადაეცა სპაიკ ლის ფილმისთვის - BlackKklansman;
  • კანის კინოფესტივალის საპატიო ჯილდო გადაეცა ჟან-ლუკ გოდარს.

შეგახსენებთ იმასაც, კანის კინოფესტივალის დირექტორის, ტიერი ფრემოს გადაწყვეტილებით, 2020 წელს ფესტივალზე ქალი და კაცი რეჟისორები თანაბარი რაოდენობით წარსდგებიან.

5050x2020 - ასე ჰქვია გადაწყვეტილებას, რომელსაც ხელი ფრემომ და წლევანდელი ჟიურის წევრებმა - ქეით ბლანშეტმა, ავა დიუვერნიმ, ლეა სეიდუმ, კრისტენ სტიუარტმა და ა.შ. მოაწერეს.