იაპონიაში არსებობს ცნობილი ცრურწმენა, რომლის მიხედვითაც თქვენი სისხლის ჯგუფს თქვენი ხასიათის განსაზღვრა შეუძლია. მათ თუ დავუჯერებთ პირველი ჯგუფის წარმომადგენლები თავდაჯერებულები და მეგობრულები არიან, თუმცა შეიძლება აგრესიულები და გაუწონასწორებლებიც იყვნენ. მეორე ჯგუფის წარმომადგენლები პერფექციონისტები და ნერვიულები არიან. მესამე ჯგუფის ხალხი უფრო შემოქმედებითია, თუმცა ცოტათი ეგოისტები არიან. მეოთხე ჯგუფი კი, ისინი უბრალოდ უცნაურები და განსხვავებულები არიან.

ეს ცრურწმენა იმდენად გავრცელებულია, რომ იაპონიაში სხვადასხვა სისხლის ჯგუფებისთვის სპეციალური ჰოროსკოპები და საღეჭი რეზინებიც კი არსებობს...

ეს ყველაფერი, რა თქმა უნდა სიცრუეა, ისევე როგორც ჰოროსკოპი, რომლის მიხედვითაც თითქოს ჩვენი დაბადების მომენტში ცაზე ვარსკვლავების განლაგება ჩვენს ხასიათს განსაზღვრავს. თუმცა, ნამდვილად არსებობს ჩვენი ხასიათის ერთი ასპექტი, რომლის განსაზღვრაც არა ვარსკვლავებს, არამედ ჩვენი სისხლის სტრუქტურას და შემადგენლობას შეუძლია.

ახლახან გამოქვეყნებული კვლევის თანახმად, მეცნიერებმა თაგვებს განსაკუთრებულად აგრესიული კრიმინალების სისხლი გადაუსხეს რის შედეგადაც თაგვები უფრო აგრესიულები გახდნენ.

სისხლის გადასხმამ ჩვეულებრივი ჯანმრთელი თაგვები აგრესიულ მოძალადეებად გადააქცია, ისინი პირველივე შესაძლებლობაზე სხვა თაგვებს თავს ესხმოდნენ.

ეს ყველაფერი საბოლოოდ ერთ ცილასთანაა კავშირში, რომელიც ორგანიზმში კორტიზოლის წარმოქმნას აკონტროლებს, რომელიც თავისმხრივ ორგანიზმზე სტრესის გავლენას არეგულირებს.

ეს შედარებით პატარა მასშტაბის ექსპერიმენტი იყო ამიტომ საჭიროა დამატებითი კველვა, რომ უკეთ გაირკვეს თუ ზუსტად რა მექანიზმები იწვევს შემჩნეულ შედეგს. მეცნიერები ასევე აღნიშნავენ, რომ ადამიანების დიდ ნაწილს შესაძლოა კრიმინალებისთვის დამახასიათებელი სისხლის არსებობის შემთხვევაშიც კი, აგრესიული ქცევები არ ახასიათებდეთ.