2018 წლის დასაწყისში OnePlus 6 "თითქმის იდეალურ სმარტფონად" დაახასიათეს, მიუხედავად იმისა, რომ ტელეფონს უკაბელო დამუხტვა და მიკრო ჩიპის სათავსო არ ჰქონდა. კომპანიამ ამ მოდელს ახალი სიცოცხლე შესძინა და ბაზარზე სიახლით ბრუნდება. OnePlus 6 ახლა უკვე წითელ ფერში გამოვა.

განახლებულ მოდელს OnePlus 6 RED ერქმევა და ის მსოფლიოს მასშტაბით მომავალ კვირაში გამოჩნდება. ამის შესახებ კომპანიის აღმასრულებელმა დირექტორმა OnePlus ფორუმზე განაცხადა. მისი თქმით, ახალი მოდელი "ენთუზიაზმსა და პერსონალურობას" და თავდაჯერებულობასა და გულითადობას გამოხატავს.

OnePlus-ს სურს, რომ კარგი სმარტფონების შეძენა მაქსიმალურად გააიაფოს. ეს კომპანიის ერთ-ერთი მთავარი მიზანია. სწორედ ამიტომ, OnePlus იშვიათად აწარმოებს ერთი და იგივე მოდელების სხვადასხვა ვარიაციებს. OnePlus 5T-ს ლავისფერი წითლის ვერსიის გამოშვების შემდეგ, რომელიც მალევე სრულად გაიყიდა, კომპანია მიხვდა, რომ ბაზარზე ასეთი ფერის მოწყობილობებზე ოთხოვნა არსებობდა.

OnePlus 6 RED-ის 128GB-იანი ვერსია მსოფლიოს მასშტაბით მომავალ კვირას გამოვა. ფასი ამავე მოდელის შავი ვერსიის იდენტური იქნება ($579 / £519 / €569). მართალია, არ არსებობს წინასწარი დათქმა, რომ წითელი ფერის სმარტფონი ლიმიტირებულად გამოვა, მაგრამ თუ მისი შეძენა გსურთ, მაინც გირჩევთ რიგში ადგილი ახლავე დაიკავოთ.