ჩვენი საუკეთესო მოგონებების უმრავლესობა ჩვენსავე ბავშვობას უკავშირდება. გახსოვთ, რა გვიხაროდა, რითი ვერთობოდით ან რა გვაბედნიერებდა? რა თქმა უნდა, ყველაფერი ის, რაც უკვე დიდი ხანია, დავიწყებას მიეცა.

პირველი მობილური შავ-თეთრი ეკრანით, დენდის თამაშები მარტივი გამოსახულებით და 24 საათის განმავლობაში ეზოში ყოფნა ჩვენი პატარაობის განუყოფელი ნაწილი იყო, თუმცა დღეს ასე ნამდვილად აღარ არის.

ერთი რამ ცხადია: მოიძებნება მინიმუმ 15 რამ, რაც 90-იან წლებში ჩვენს ბავშვობას ახალისებდა, ახალი თაობისთვის კი სრულიად გაუგებარია.

1. ნოკიას სუპერ ელემენტი, რომელიც არასდროს ჯდებოდა

ახლა ტელეფონთან ერთად ხომ დამტენიც თან უნდა ატარო.

2. მთელი დღე ეზოში თამაში და შტაბების მოწყობა, რომელიც ნებისმიერ ვიდეოთამაშს სჯობდა

მყუდრო შტაბები დღეს ონლაინ ჯგუფებმა და ვირტუალურმა საუბრებმა ჩაანაცვლეს.

3. გადაცემები, რომელთა წამყვანებიც ჩვენთვის ოჯახის წევრებივით იყვნენ

ახლა აღარც მუსიკალური ათეულები არსებობს და აღარც ეს წამყვანები ჩანან.

4. მომენტი, როცა სუპერ მარიოს თამაშის დროს გული გვიჩერდებოდა

ტურის დახურვის მეთხუთმეტე მცდელობაზე კიდევ კარგად ვიყავით.

5. საყვარელი სერიალის საყურებლად მხოლოდ ერთი შანსი გვქონდა

ჩვენ დროს სად იყო სასურველ დროზე გადახვევა და კარგი ცხოვრება.

6. საბჭოთა ენციკლოპედიის გარეშე საშინაო დავალების შესრულება წარმოუდგენელი იყო

აბა ჯერ გუგლი და ვიკიპედია არ არსებობდა და.

7. ვიყენებდით რუკებს, რომელსაც თუ გაშლიდი, ვეღარ დაკეცავდი

ახლა ყველაფერი გაცილებით მარტივია, გადმოწერ აპლიკაციას და სულ ეგ არის.

8. ფირებიანი ფოტოაპარატით გადაღებული ფოტოების გამჟღავნება დიდი თავისტკივილი იყო

ყველაზე საშინელი კოშმარი საუეკეთესო კადრზე გადადებული უზარმაზარი ლაქა იყო.

9. ტკბილეულში ამოსული პატარა სათამაშოები ყველაზე მეტად გვახარებდა

განსაკუთრებით მაშინ, თუ მეცამეტეჯერ იგივე სათამაშო არ ამოგვივიდოდა.

10. გვიყვარდა "ტეტრისი", რომელსაც ღილაკები მალე უფუჭდებოდა

[აქ უნდა იყოს ის მომენტი, როცა სვეტის ფორმის ფიგურა ჩამოდის და მთელი ხუთი ხაზი ერთად იშლება]

11. ვუსმენდით რადიოს, სადაც ზოგჯერ ვრეკავდით და ერთმანეთს სიმღერებს ვუძღვნიდით

ალბათ ეს იგივე იყო, დღეს ერთმანეთს სიმღერებს რომ ულინკავენ.

12. თანამედროვე ბავშვები ვერ გაიგებენ, რა შუაშია კალამი კასეტასთან

მოდით, არც ვუთხრათ და ჩვენი საიდუმლო იყოს.

13. მაინსვიპერის თამაში მაშინ, როცა ინტერნეტი წყდებოდა

თავად მაინსვიპერს რა ანაცვლებდა, რთული სათქმელია.

14. ინტერნეტში შესვლა ტელეფონის დაკავებას ნიშნავდა

და თუ ამ დროს ყურმილს აიღებდით, მოისმენდით, როგორ საუბრობენ უცხოპლანეტელები.

15. ახალ, გასართობ ამბებს გაზეთებიდან ვკითხულობდით

რა თქმა უნდა, მაშინ On.ge და მსგავსი ონლაინ გამოცემები ხომ არ არსებობდა?!