ემა ტომფსონს დიდი ბრიტანეთის დედოფალი, ელიზაბეტ მეორე საპატიო წოდებას მიანიჭებს.

ჯილდოს მისაღებად, სპეციალურად ტომფსონისთვის ბუკინგემის სასახლეში საპატიო მიღება გაიმართება, რომელსაც სამეფო ოჯახის წევრების გარდა ცნობილი ბრიტანელი მსახიობები - მეგი სმიტი, ჯუდი დენჩი, ვანესა რედგრეივი, ჰელენ მირენი, ჰელენა ბონემ კარტერი და ა.შ. დაესწრებიან.

ემა ტომფსონი ერთ-ერთ ყველაზე ნიჭიერ და წარმატებულ მსახიობად მიიჩნევა როგორც ინგლისში, ასევე მთელ მსოფლიოში. მსახიობს მიღებული აქვს ორი ოსკარი, ორი ოქროს გლობუსი, სამი ბაფტა და ერთიც ემის ჯილდო. მსახიობის კარიერა 80-ზე მეტ კინოროლს ითვლის, მათ შორის სულ მალე გამოვა ახალი კინოსურათი The Children Act, რომლითაც კინოკრიტიკოსები მას მესამე ოსკარის მოაგებას უწინასწარმეტყველებენ.