გერმანიაში, ქალაქ ლუნებახის ზოოპარკიდან ორი ლომი, ორი ვეფხვი და ერთი იაგუარი გაიქცა. ამის შესახებ ამავე ქალაქის პოლიციამ განაცხადა და ადგილობრივ მოსახლეობას უსაფრთხოების მიზნით, სახლში დარჩენა ურჩია.

ფოტო: bbc

ხუთ გიგანტურ კატაზე "ნადირობაში" კი პოლიცია და ზოოპარკის თანამშრომლები არიან ჩართულები. აღსანიშნავია ისიც, რომ საკუთარი ვოლიერიდან გაქცევა დათვმაც მოახერხა, თუმცა ის მალევე დაიჭირეს და უკან დააბრუნეს.

როგორც ადგილობრივი მედია წერს, ცხოველებმა გაქცევა ღამით ქარიშხალისა და დატბორვის შემდეგ მაოხერხეს.

1965 წლის შემდეგ, გერმანიაში, ეს ცხოველების ზოოპარკიდან გაქცევის ყველაზე მასშტაბური შემთხვევა იყო.

ამავე ზოოპარკში 70 სხვადასხვა სახეობის 400-ზე მეტი ცხოველი ცხოვრობს, რომელთა მოსანახულებლად აქაურობას ყოველწლიურად 70 ათასი ადამიანი სტუმრობს.

ჩვენ კი ისღა დაგვრჩენია ლუნებახის მცხოვრებლებსა და გაქცეულ ცხოველებს მშვიდობა და უსაფრთხოება ვუსურვოთ და ვიმედოვნოთ, რომ ყველაფერი მსხვერპლის გარეშე დასრულდება.