პაატა ბურჭულაძის საოპერო მოღვაწეობის 40 წლის იუბილესადმი სანქტ-პეტერბურგში გალა-კონცერტი გაიმართება. ინფორმაციას ამის შესახებ Ria ავრცელებს.

კონცერტი მიხაილოვის თეატრში გაიმართება. ბურჭულაძის გარდა ღონისძიებაში მონაწილეობას მიიღებენ სხვა არტისტებიც: მარია გულეგინა, ლანა კოსი, მარკო ბრეტი, ფერუჩო ფურლანეტო, ოთარ ჯორჯიკია.

სიმფონიური ორკესტრის თანხლებით შესრულდება მსოფლიო რეპერტუარის ნაწარმოებები. პაატა ბურჭულაძე საღამოზე შეასრულებს არიებს ვერდის ოპერებიდან "ნაბუკო" და "ატილა".

2017 წლის პირველი ივლისიდან პაატა ბურჭულაძე მიხაილოვის თეატრის სამხატვრო ხელმძღვანელია.