კრიშტიანუ რონალდუს თქმით, იგი არ ნანობს სიტყვებს, რომელიც ჩემპიონთა ლიგის მოგების შემდეგ თქვა. პორტუგალიელი ფეხბურთელი ლივერპულთან მოგების შემდეგ ამბობდა, რომ კლუბში მისი მომავალი გაურკვეველი იყო.

კრიშტიანუ აღნიშნავდა, რომ თავის გეგმებს რამდენიმე დღეში გააცნობდა გულშემატკივრებს. მეტიც, მან ბერნაბეუზე თამაში წარსულ ფორმაში ახსენა: "მადრიდის რეალის წევრობა ჩემთვის პატივი იყო".

მომდევნო დღეს კი რონალდუმ აღნიშნა, შეიძლება, ამ ყველაფრის თქმისთვის ოპტიმალური დრო არ იყო, მაგრამ ნათქვამს მაინც არ ვნანობო.

"სათქმელი მაშინ ვთქვი, როცა არ უნდა მეთქვა. ეს საუკეთესო დრო არ ყოფილა, მაგრამ, სამაგიეროდ, გულწრფელი ვიყავი. ამიტომ, არ ვნანობ", - აღნიშნა რონალდუმ.

სამეფო კლუბს პორტუგალიელი ფეხბურთელი 2009 წელს შეუერთდა. მას შემდეგ ლა ლიგის მოგება ორჯერ, ხოლო ჩემპიონთა ლიგის მოგება ოთხჯერ მოახერხა.