ფინანსთა მინისტრი ნოდარ ხადური მიიჩნევს, რომ ხალხში ეროვნული ვალუტისადმი ნდობა უნდა აღდგეს და იგი პრიორიტეტულ ვალუტად უნდა იქცეს. ჟურნალისტებთან საუბრისას მინისტრმა განაცხადა რომ ამ საკითხში ეროვნული ბანკის პრეზიდენტს კობა გვენეტაძეს ეთანხმება:

"ლარისადმი ნდობის აღდგენა ერთ-ერთი მთავარი გამოწვევაა ჩვენი ქვეყნისა და ხელისუფლებისათვის. როგორც მონეტარული ხელისუფლებისათვის, რომელსაც ეროვნული ბანკი წარმოადგენს ისე, ზოგადად, ვინაიდან ეროვნული ვალუტა არის არამხოლოდ ინსტრუმენტი, არამედ ის ბევრ რამეს უკავშირდება. იმაში რომ ჩვენთვის ლარი პრიორიტეტული ვალუტა უნდა იყოს ვეთანხმები ეროვნული ბანკის პრეზიდენტს".

ეროვნული ბანკის პრეზიდენტის კობა გვენეტაძის თქმით, მოსახლეობა უნდა შეეჩვიოს დოლარის გარეშე ცხოვრებას და მისთვის პრიორიტეტი ქართული ვალუტა უნდა იყოს.