თბილისის საქალაქო სასამართლოში ე.წ. თეთრი მაგნოლიას საქმეზე, მაია რჩეულიშვილი სხდომათა დარბაზში დააპატიმრეს. ამის შესახებ ტელეკომპანია რუსთავი 2 იუწყება.

გადაწყვეტილება მოსამართლემ რამდენიმე წუთის წინ გამოაცხადა.

საქალაქო სასამართლომ პროკურატურის მოთხოვნა დააკმაყოფილა. მთავარი პროკურატურა ცენტრ პოინტის საქმეზე ოთხივე ბრალდებულისთვის აღმკვეთ ღონისძიებად პატიმრობას ითხოვდა.

10 ივლისს, ცენტრ-პოინტის ბათუმის საინვესტიციო პროექტის ხელმძღვანელი ირაკლი მინდელი და გაყიდვების მენეჯერი სალომე ჩარკვიანი დააკავეს.

11 ივლისს, ცნობილი გახდა, რომ საქართველოს მთავარმა პროკურატურამ ცენტრ პოინტის დამფუძნებლის, მაია რჩეულიშვილისა და მისი შვილის, გუკა რჩეულიშვილის, რომელიც ამავე კომპანიის სამეთვალყურეო საბჭოს თავმჯდომარეა, წინააღმდეგ სისხლის სამართლებრივი დევნა დაიწყო.

გუკა რჩეულიშვილი დღევანდელ სასამართლო პროცესს არ დაესწრო, ამიტომ იგი დაუსწრებლად არის პასუხისგებაში მიცემული.

სასამართლო ცენტრ პონტის დამფუძნებლებს ჯგუფურად სხვისი ქონების გაფლანგვას ედავება, საქმე ათეულობით მილიონ ლარს ეხება.