შინაგან საქმეთა სამინისტროს ინფორმაციით, გენერალური ინსპექციის თანამშრომლებმა სსიპ დაცვის პოლიციის პოლიციის მაიორი თაღლითობის ბრალდებით დააკავეს.

შსს-ში ამბობენ, რომ დაკავებული ერთ პირს ძალოვან სისტემაში დასაქმებას დაპირდა, სანაცვლოდ, "საქმის მოსაგვარებლად" 4 000 ლარამდე თანხა მოსთხოვა.

"სამართალდამცველებმა, ჩატარებული საგამოძიებო მოქმედებების შედეგად, ბრალდებული იმ დროს დააკავეს, როდესაც მოქალაქემ მოთხოვნილი თანხის ნაწილი გადასცა. პოლიციამ აღნიშნული თანხა ნივთმტკიცებად ამოიღო", - აღნიშნავენ შსს-ში.

საქმეზე გამოძიება სისხლის სამართლის კოდექსის 180 მუხლის მეორე და მესამე ნაწილით მიმდინარეობს. ამ მუხლით პირის პასუხისმგებლობა თაღლითობისთვის დგება და ექვსიდან ცხრა წლამდე პატიმრობა ემუქრება.