ოსკარის მფლობელი მსახიობი ჯენიფერ ლოურენსი Vanity Fair-ის მარტის თვის მთავარი პერსონაჟია. სწორედ ამიტომ ის ჟურნალის ყდაზეც იქნება გამოსახული და მის გულახდილ ინტერვიუსაც წავიკითხავთ.

მსახიობმა ინტერვიუში ჰოლივუდში ბოლო დროს გახმაურებული სკანდალების გარდა, მის მიმართ რეჟისორების, სცენარისტებისა და პროდიუსერების დამოკიდებულებაზეც ისაუბრა. ლოურენსი ყვება, რომ მას ხშირად სთხოვდნენ წონის დაკლებას სხვადასხვა როლების გამო, თუმცა მას არასდროს გაუკეთებია ეს.

"ყოველთვის ვფიქრობდი, რამ შეიძლება მაიძულოს დიეტაზე ყოფნა და შიმშილი. ის ნამდვილად ვიცი, რომ როლის გამო, ამას არასოდეს გავაკეთებ, რადგან მუდმივად ფეხზე დგომას დიდი ენერგია სჭირდება, ამიტომ შიმშილი არ შემიძლია. მახსოვს, როგორი შეტევა მქონდა, როდესაც ერთ დღეში მხოლოდ ხუთი ბანანის ჩიფსი მქონდა ნაჭამი", - ყვება მსახიობი.

"ხშირად მთხოვენ, იმისთვის, რომ უფრო სექსუალური გამოვჩნდე, რამდენიმე კილოგრამი უნდა დავიკლო, მაგრამ კიდევ ბევრჯერ ვიტყვი - ეს არასდროს მოხდება!", - ამბობს ინტერვიუში ლოურენსი.

ჯენიფერ ლოურენსი იხსნებეს ახალი ფილმის, Red Sparrow-ს გადაღებებსაც და ყვება, რომ ამ როლისთვის დიდი მომზადება დასჭირდა - სწავლობდა ბალეტს, რუსულს და კითხულობდა წიგნებს ჯაშუშების შესახებ.

Red Sparrow FOX-ის ახალი ფილმია, რომლის შემქმნელიც "შიმშილის თამაშების" რეჟისორი, ფრენსის ლოურენსია, ხოლო მთავარ როლს ჯენიფერ ლოურენსი ასრულებს, რუსი ჯაშუშის ისტორიას მოგვითხრობს, რომელიც CIA-სთან იწყებს თანამშრომლობას.

ლოურენსის პერსონაჟი რუსი ბალერინა დომინიკაა, რომელსაც ბეღურების სკოლაში ასწავლიან როგორ გამოიყენოს თავისი სხეული და გონება ადამიანების მოკვლისთვის.

ფილმი ემა უოტსის 2013 წელს გამოქვეყნებულ წიგნს ეფუძნება, სადაც ერთ-ერთი საკვანძო პერსონაჟი რუსეთის პრეზიდენტი ვლადიმერ პუტინია, თუმცა რეჟისორმა და სცენარისტმა გადაწყვიტეს, რომ არ არის საჭირო რუსეთის პრეზიდენტს ადგილი დაუთმონ ფილმში.

ფილმის, "აგენტი წითელი ბეღურა", პრემიერა, საქართველოს კინოთეატრებში პირველ მარტს იგეგმება.

ინტერვიუს სრული ვერსია ჟურნალის მარტის თვის ნომერში გამოქვეყნდება.