ალკოჰოლის, მცირე დოზა გვეხმარება უკეთ ვისაუბროთ უცხო ენაზე. ასეთია ჰოლანდიელი და ინგლისელი მეცნიერების საერთო დასკვნა. კვლევის შედეგები Journal of Psychopharmacology-ის ვებგვერდზე გამოქვეყნდა.

პოპულარული შეხედულება იმის შესახებ, რომ ალკოჰოლი ხელს უწყობს უცხო ენაზე საუბრის დაბრკოლების დაძლევას, სიმართლე აღმოჩნდა. როგორც ირკვევა, ალკოჰოლის მცირე დოზის მიღების შემდეგ ადამიანები უკეთესად საუბრობდნენ უცხო ენაზე, იმის მიუხედავად, თავად ასე ეგონათ, თუ - არა.

კვლევაში ჰოლანდიურად მოლაპარაკე 50 გერმანელი მონაწილეობდა. კვლევის მონაწილეებს ნებისმიერ თავისუფალ თემაზე უნდა ელაპარაკათ ჰოლანდიურად მოლაპარაკე ადამიანებთან. საუბრის დაწყებამდე, მეცნიერები მონაწილეებს თავაზობდნენ ჭიქა "წვენის" დალევას, რომელშიც ალკოჰოლი იყო გარეული. მონაწილეების საუბარს აკვირდებოდნენ ჰოლანდიელი დამოუკიდებელი მოხალისეები. მათ არ იცოდნენ, კვლევის რომელმა მონაწილემ მიიღო ალკოჰოლი. ისინი აფასებდნენ ენის ცოდნის და გამოთქმის ხარისხსს, მოხალისეებმა არ იცოდნენ, თუ რა მიზანს ისახავდა კვლევა.

საუბრის დასრულების შემდეგ, მეცნიერებმა სთხოვეს მოხალისეებს, შეეფასებინათ ყოველი მონაწილე 0 დან 100 ქულამდე. როგორც აღმოჩნდა, იმ მონაწილეებმა, რომელთაც ალკოჰოლი ქონდათ მიღებული, საშუალოდ ხუთი ქულით უფრო მაღალი შეფასება დაიმსახურეს ფხიზელ მონაწილეებთან შედარებით.

კვლევის ავტორების თქმით, საუბარი მხოლოდ და მხოლოდ ალკოჰოლის მცირე ოდენობაზეა, ალკოჰოლის გადაჭარბებით მიღება საპირისპირო შედეგებს იძლევა.