ქართველი მსახიობი თინა მახარაძე, რომელიც ნიუ-იორკში რეჟისურაზე სწავლობს, ფეისბუქზე ისეთ ამბავს ყვება, რომლის ბედნიერი დასასრულიც მხოლოდ ჰოლივუდურ ფილმებში გვხვდება.

როგორც თინას პოსტით ირკვევა, მან ნიუ-იორკში საფულე დაკარგა, რომელშიც მისთვის უმნიშვნელოვანესი ბარათები იდო, მის საძებნელად დაბრუნებულს კი, ხეზე გაკრული ფურცელი დახვდა.

როგორც აღმოჩნდა, საფულის მპოვნელმა განცხადება ხეზე დატოვა:

"ვაშინგტონის ავენიუზე ნაპოვნია საფულე, ელვით. ის ეკუთვნის ადამიანს, რომლის სახელის და გვარის ინიციალებია თ. მ. დაგვიკავშირდით".

თინას სიტყვებით, როდესაც რამე ნივთს კარგავს, ამ ამბავს მშვიდად ხვდება:

"ძალან იღბლიანი ვარ და ვამბობ, რომ ხანდახან ამ იღბალისთვის საფასური უნდა გადავიხადო. დღეს, უნივერსიტეტის გზაზე საფულე დავკარგე, სადაც მნიშვნელოვანი საბუთები მედო. სრულიად უიმედო დავბრუნდი იმ გზაზე, სადაც სავარაუდოდ მას დავკარგავდი, როდესაც მოსაწევად შევჩერდი. თან ვფიქრობდი - ხანდახან [იღბალისთვის] გადასახადი როგორი მაღალია! მოულოდნელად ეს ულამაზესი ფურცელი შევნიშნე ხეზე. მგონი ნიუ-იორკში ყველაზე იღბლიანი ადამიანი ვარ" - წერს თინა და მისი საფულის მპოვნელს მადლობას უხდის.

"არაფრის თინა! ადამიანები ერთმანეთს უნდა ვეხმარებოდეთ, როგორც შეგვიძლია" - ასე უპასუხა საფულის მპოვნელმა თინას.