მსახიობი ლინდსი ლოჰანი ლონდონის მოდის კვირეულზე ჰიჯაბით მივიდა. ეს საკმარის აღმოჩნდა იმისთვის, რომ მსოფლიო კიდევ ერთხელ ალაპარაკებულიყო მის რელიგიაზე.

მოდის კვირეულის ფარგლებში მუსლიმი დიზაინერების, Modest Fashion Week, გაიმართა.

შეგახსენებთ, რომ ერთი წლის წინ Fox News-მა გაავრცელა ინფორმაცია, სადაც ეწერა, რომ ჰოლივუდის ვარსკვლავმა ლინდსი ლოჰანმა ისლამი მიიღო.

ამ ვარაუდებს ამყარებდა ისიც, რომ ლინდსიმ საკუთარი ინსტაგრამიდან ყველა ფოტო წაშალა და სანაცვლოდ ტრადიციული ისლამური მისალმება Alaikum salam დაწერა.

მისი ფეისბუქისა და ტვიტერის გვერდზე მსახიობს მუსლიმები მთელი მსოფლიოდან ულოცავდნენ ისლამის მიღებას - "ლინდსი, გვიხარია რომ ისლამი მიიღე, ეს საუკეთესო ამბავია. დიდება ალაჰს, ღმერთმა შეამსუბუქოს შენი გზა".

პირველად ლინდსის ისლამით დაინტერესებაზე პრესა მაშინ ალაპარაკდა, როცა მსახიობი ყურანით ხელში დააფიქსირეს.

ჩემმა ძალიან ახლო მეგობრებმა მაჩუქეს ყურანი, რათა საკუთარი თავი ვიპოვო, ბევრ რამეში გავერკვიო და საბოლოოდ გავიგო, ვინ ვარ", - ამბობდა მაშინ ლინდსი.

ამავდორულად, ლინდსი ლოჰანი სანაპიროზე ბურკინითაც დააფიქსირეს.

მიუხედავად იმისა, რომ პრესა ამ თემაზე აქტიურად საუბრობს, არც ლინდსის და არც მის ოფიციალურ წარმომადგენლებს ამ თემაზე კომენტარი ჯერ არ გაუკეთებიათ.