სოციალისტური ბანაკის ქვეყნებში ჰოლივუდის ფილმებს პრემიერის შემდეგ რამდენიმეწლიანი დაგვიანებით აჩვენებდნენ. გამონაკლისი არც ვარსკვლავური ომების საგა ყოფილა. მაგალითად, ეპიზოდი V: იმპერიის საპასუხო დარტყმა საბჭოთა კავშირის კინოთეატრებში პირველად 1988 წელს აჩვენეს, თუმცა ფილმი 1980 წელს გამოვიდა.

რკინის ფარდის აქეთ მყოფი მხატვრები საგის პირველი ფილმის პოსტერების შექმნას ენთუზიაზმით შეუდგნენ. მათ მიერ შექმნილი პოსტერები კი დღემდე დიდ ინტერესს იწვევს.

უნგრული პოსტერები

ვარსკვლავური ომები უნგრეთის კინოთეატრების დიდ ეკრანებზე პირველად სამწლიანი დაგვიანებით, 1980 წელს აჩვენეს. მხატვარმა თიბორ ჰელენმა, ფილმის საკუთარი ხედვა შემოგვთავაზა და პოსტერში ლურჯი, ნარინჯისფერი და წითელი ფერები გამოიყენა.

დართ ვეიდერის ჩაფხუტი კადილაკის რადიატორის გისოსებს დაემსგავსა, ხოლო მის მარჯვენა მხარეს უცნაური ხვლიკისმაგვარი არსება მიახატა. ფილმში ასეთი არსება არ გვხვდება, თუმცა პოსტერის ავტორმა ჩათვალა, რომ ვარსკვლავური ომების სამყაროში ნებისმიერი უცხოპლანეტელი შეიძლება შეგვხვდეს.

ნაკლებად სავარაუდოა, მაგრამ შეიძლება ერთგვარი მინიშნებაა იმისა, რომ ძველი სცენარით ჰან სოლო ხვლიკი უნდა ყოფილიყო, მაგრამ ჯორჯ ლუკასმა ის ადამიანად "გადააქცია" და მის როლზე ჰარისონ ფორდი მოიწვია.

პოსტერში, პირველ რიგში, სულ სხვანაირად გვევლინება ჩუბაკა, საკმაოდ უცნაური ენით. მარცხენა კუთხეში გამოგონებელი ცხოველი ბანთა კი ყველა სხვა არსებაზე უფრო საშიშია. C-3PO-ს კი ზედმეტად დეტალიზებულია.

საბჭოური რუსული პოსტერები

საბჭოთა კავშირში ვარსკვლავური ომები დიდი ხნის განმავლობაში აკრძალული იყო, თუმცა შავ ბაზარზე პირატული ასლები იყიდებოდა და მსურველებმა მისი ნახვა 80-იანების დასაწყისში ისედაც მოახერხეს.

როდესაც ფილმები დაუშვეს, მხტავრებმა იური ბოკსერმა და ალექსანდრ ჩანცევმა პოსტერების სერია შექმნეს, რომელიც ეხმიანება ვარსკვლავურ ომებს, როგორც კოსმოსურ ვესტერნს.

პოსტერზე გამოსახული არც ერთი უცხოპლანეტელი ფილმში არ არის, თუმცა თავისუფლად შეიძლებოდა ყოფილიყო.

დართ ვეიდერის ჩაფხუტი იაგურის სახეს ჰგავს. ასევე, პოსტერის გარშემო იეროგლიფური წარწერებია გაკეთებული. მანამდე, ვარსკვლავური ომების არც ერთ ფილმში იისფერი ლაითსეიბერი გამოყენებული არ ყოფილა. იქნებ ლუკასმა ნახა პოსტერი და მხოლოდ ამის შემდეგ გადაწყვიტა მისი გამოყენება?

პოლონური პოსტერები მეხუთე ეპიზოდისთვის

რომ არა ქვედა ნაწილში მითითებული სახელები და გვარები, ვერაფრით მიხვდებოდით, რომ ეს ვარსკვლავური ომების სიკველის, ეპიზოდი V: იმპერიის საპასუხო დარტყმის პოსტერია.

იქიდან გამომდინარე, რომ ადრეული საბჭოური პროპაგანდისტული პოსტერები მსგავს სტილში მზადდებოდა, დასავლეთში ეს აფიშა ავტორიტარიზმის ასოციაციას დატოვებდა.

უნგრული პოსტერი მეხუთე ეპიზოდისთვის

მეხუთე ეპიზოდის პოსტერის შექმნაც თიბორ ჰელენს ანდეს. ამ შემთხვევაში გამოგონილი არსებების ნაცვლად, მხატვარმა აქცენტი ვარსკვლავურ გამანადგურებელსა და დართ ვეიდერზე გააკეთა.

უნგრული პოსტერი მეექვსე ეპიზოდისთვის

VI ეპიზოდი: ჯედაის დაბრუნების პოსტერზე ისევ ჩნდება ხვლიკისმაგვარი არსება, რომელიც საგაში მანამდე არ ყოფილა. თუმცა საინტერესო ისაა, რომ დართ ვეიდერის თვალი ნელ-ნელა სიკვდილის ვარსკვლავად იქცევა.

პოსტერის ავტორი ისევ თირობ ჰელენია.

საბჭოური რუსული პოსტერი მეექვსე ეპიზოდისთვის

ამ პოსტერში ბოკსერმა და ჩანცევმა დიდი ყურადღება დაუთმეს ჯაბა ჰატს, რომელსაც აფიშის ნახევარი უჭირავს, ხოლო მის თავზე სიკვდილის ვარსკვლავი არის განთავსებული.

პოლონური პოსტერი მეექვსე ეპიზოდისთვის

ვეიდერის ჩაფხუტის განადგურება ჯედაის დაბრუნების სპოილერზე მიანიშნებს. მაგრამ საინტერესო ისაა, რომ ჩაფხუტის ასეთი ფორმა მხოლოდ 31 წლის შემდეგ მეშვიდე ეპიზოდში ძალის გამოღვიძებაში გამოჩნდება.

თუ დავაკვირდებით, ჩაფხუტის დეტალები, რომლებიც ფეთქდება, ძალიან ჰგავს კინოკამერის დეტალების. ეს მინიშნება ხომ არაა იმისა, რომ ვარსკვლავურმა ომებმა კინო არსებული გაგებით "გაანადგურეს" და გლობალური კინოინდუტრია აღარსდროს იქნება ისეთი, როგორიც ადრე?