მსახიობი რუპერტ ევერეტი რამდენიმე დღის წინ თავისივე გადაღებული ფილმის, The Happy Prince, დახურულ ჩვენებას დაესწრო, რომელშიც ის ოსკარ უაილდის როლს ასრულებს.

ჩვენების შემდეგ გამართულ პრესკონფერენციაზე მსახიობმა ლგბტ თემის უფლებებზე ისაუბრა და აღნიშნა, რომ დღევანდლ ეპოქაში უფრო მარტივია იყო ჰომოსექსუალი, ვიდრე წლების წინ.

"ჩვენ სამყაროში, ამ ეპოქაში ძალიან მაგარია იყო გეი, გამომდინარე იქიდან, რომ ჩვენი უფლებები შედარებით დაცული და აღიარებულია. სამწუხაროდ ეს არ ეხება ყველა ქვეყანას, ძალიან დიდი წნეხის ქვეშ ცხოვრობენ ლგბტ თემის წევრები ბევრ სხვა ქვეყნაში. საშინელებაა იცხოვრო როგორც ჰომოსექსუალმა რუსეთში, უგანდაში და ა.შ.", - ამბობს მსახიობი.

ევერეტმა თავის სარეჟისორო დებიუტზეც ისაუბრა და თქვა, რომ ოსკარ უაილდის შესახებ ფილმის გადაღება და მისი როლის შესრულება ძალიან დიდი პატივი იყო.

"ძალიან მნიშვნელოვანი იყო გამეკეთებინა ფილმი ოსკარ უაილდის ბოლო, ძალიან ტრაგიკულ წლებზე. აქცენტი რა თქმა უნდა გაკეთებულია მის სექსუალობაზეც, იმ ეპიქაზე და ძალიან, ძალიან რთულ დროზე, რომელშიც მას მოუხდა ცხოვრება. თავის დროზე ძალიან გამიჭირდა საჯაროდ მეღიარებინა რომ გეი ვარ, ეს ჩემს ისტორიას რაღაცით ამსგავსებს ოსკარის ისტორიას. ამ ფილმის შექმნაში მთელი ჩემი ენერგია, ჩემი ძალები ჩავდე", - ამბობს რუპერტი.