მსახიობი ჯეფ დენიელსი მალე ჰარპერ ლის რომანის, "ნუ მოკლავ ჯაფარას", პერსონაჟ ატიკუს ფინჩად მოგვევლინება.

ტონის მფლობელმა რეჟისორმა, ბარტლეტ შერმა გადაწყვიტა ბროდვეის სცენაზე კულტად ქცეული ამერიკული რომანის ადაპტაცია დადგას, რომლის სცენარზეც აარონ სორკინი იმუშავებს.

ჰარპერ ლიმ რომანი 1960 წლის 11 ივლისს გამოსცა, რომელმაც ავტორს უდიდესი წარმატება მოუტანა, მიიღო პულიცერის პრიზი და იქცა ამერიკული თანამედროვე ლიტერატურის კლასიკად.

მისი სიუჟეტი და პერსონაჟები ეფუძნება ავტორის მოგონებებს ოჯახსა და მეზობლებზე, ასევე ისტორიას, რომელიც მის მშობლიურ ქალაქში 1936 წელს მოხდა.

1962 წელს გამოვიდა რეჟისორ რობერტ მელიგენის მიერ გადაღებული წიგნის ეკრანიზაციაც, რომელმაც ოსკარი მიიღო.

ფილმში მთავარ როლს გრეგორი პეკი ასრულებს.