10 ყველაზე გავრცელებული Facebook სტატუსი, რომელიც ყველას ყელში ამოუვიდა

სამყარო ვითარდება და სოციალური მედიაში, რომელმაც უკვე ყველა და ყველაფერი მოიცვა, ადამიანებიც სულ უფრო მეტს მოითხოვენ ერთმანეთისგან.

ალბათ, არ გაგიკვირდებათ, თუ გეტყვით, რომ ფეისბუქზე გამოქვეყნებულ ნებისმიერ სტატუსს დღეს იმაზე გაცილებით მეტის თქმა შეუძლია თქვენზე ვიდრე ოდესმე.

დიახ, ერთი შეხედვით უწყინარი სიტყვების გამო ვირტუალურმა მეგობრებმა შეიძლება სულელად, ძალიან ჭკვიან ტიპად ან მომაბეზრებლადაც კი შეგრაცხონ. ამ სივრცეში წარმატებული მოღვაწეობის მთავარი წესი კი ძალიან ნაცნობია - "დაჰაიდებას თავის გატეხვა ჯობია".

თემის აქტუალურობიდან გამომდინარე, გადავწყვიტეთ, 10 ყველაზე გავრცელებული Facebook სტატუსისათვის მოგვეყარა თავი, რომელიც ყველას ყელში ამოუვიდა და მათ დაწერასაც აღარავის ვურჩევდით.

1. ჰონოლულუდან რეიკიავიკში ხომ არ მოდის ვინმე ხვალ?

არა, და არც ბერლინიდან ქუთაისში აპირებს ვინმე გაფრენას.

2. მწვანედ ანთია და არ მწერს...

მცირედი მონდომებაც საკმარისია იმისათვის, რომ თავად მისწერო და ნანატრი კომუნიკაცია უპრობლემოდ შედგება.

3. ნუ მწერთ, არ მცალია.

ამის დასაწერად ხომ მოიცალე?

4. @Anuka axvlediani ჩემი ერთი ცალი ხარ <3

ორი გოგო ხალხია ძმა?!

5. ვისაც არ გიცნობთ, წამშალეთ!

ეს და მსგავსი სტატუსები კაი არაფერს მოგიტანთ ცხოვრებაში.

6. ვაი, ბედკრულო საქართველოვ, საით მიექანები........

პირდაპირ, მერე მარცხნივ და ეგ არის.

7. მნიშვნელოვანი მოვლენიდან სამი დღის შემდეგ დაწერილი სტატუსები.

აქაოდა არ ვიცით თუ რა?!

8. თოვს!

ტყუილად ირჯებით, სტატუსს ამინდზე პირველი ვერასდროს დაწერთ.

9. სტატუსები, რომელიც პირადი მიმოწერებიდან "დამაინტრიგებელ" ამონარიდებს შეიცავს

"ტოჟე მნე" სელებრითი.

10. ფეისბუქს ვაუქმებ და ინსტაგრამზე მომწერეეთ

სახლში არ ვარგოდა და სანადიროდ გარბოდაო, სავარუდოდ, ამაზეა ნათქვამი.

ბოლო ამბები:

გირჩევთ