2022 წლიდან, ჩიზბურგერი მაკდონალდსის საბავშვო მენიუში აღარ იქნება, თუმცა მშობლები მის ცალკე შეძენას კვლავ შეძლებენ. მენიუს მთავარი არჩევანი ჰამბურგერი და ჩიქენ მაკნაგეტსები იქნება. შემცირდება ფრის ზომაც.

წელს ჰეფი მილის მენიუს წყალი დაემატება და შოკოლადიან რძეს ნაკლები შაქარი ექნება. მაკდონალდსი აცხადებს, რომ მენიუში მეტ ხილს, ბოსტნეულსა და მარცვლეულობას დაამატებს.

ჰეფი მილის ყველა მენიუს აშშ-ში 600 ან ნაკლები კალორია ექნება. მაკდონალდსი აცხადებს, რომ კალორიების რაოდენობა 20%-ით მცირდება.

ამერიკის გულის ჯანმრთელობის ასოციაციამ კომპანიის გადაწყვეტილება უკვე შეაფასა მნიშვნელოვან ნაბიჯად და სწრაფი კვების სხვა ობიექტებსაც მოუწოდა, ამ მიმართულებით მუშაობისკენ. ორგანიზაციის განცხადებით, ამერიკელი ბავშვების 40% სწრაფი კვების ობიექტებს ყოველდღიურად სტუმრობს.

მაკდონალდსმა ჰეფი მილის მენიუში ვაშლი 2011 წელს დაამატა, გაზიანი სასმელი კი 2013 წელს. 2017 წელს, მან ვაშლის წვენი უფრო დაბალი შაქრის შემცველი წვენით ჩაანაცვლა.