მატარებლების მწარმოებელი შვეიცარიული კომპანია შტადლერ რეილ ეი ჯი თბილისში ვაგონმწარმოებელ და ვაგონშემკეთებელ ქარხანას ააშენებს. ინფორმაციას მთავრობის ადმინისტრაცია ავრცელებს.

"ქარხანა მოძრავი შემადგენლობებით როგორც საქართველოს რკინიგზას, ასევე, თბილისის მეტროს უზრუნველყოფს. ტექნიკური და კომერციული მიზანშეწონილობის მიხედვით, ქარხანა საექსპორტო შეკვეთებზეც იმუშავებს."- ნათქვამია მთავრობის ადმინისტრაციის პრესრელიზში.

მშენებლობისთვის დედაქალაქის გარეუბნებში 3 შესაძლო ადგილი განიხილება.