ქუთაისში, საფიჩხიის სასაფლაოს შესასვლელთან, მერლინ მონროს პორტრეტია გაკრული. ქუთაისი პოსტის ინფორმაციით, ფოტო იმის ნიმუშია, თუ როგორი პორტრეტები მზადდება გარდაცვლილთა საფლავებისთვის.

"ადრე ანჯელინა ჯოლის და მისი ქმრის სურათი იყო გაკრული, მაგრამ ცოცხლები არიან და უხერხულია, ამიტომ მონროთი ჩავანაცვლეთ, მაინც მკვდარია," - ასე უთხრეს ადგილობრივ გამოცემას საფიჩხიის სასაფლაოზე მყოფებმა.

როგორც გამოცემა იუწყება, მხატვარმა, რომელიც საფიჩხიის სასაფლაოზე გარდაცვლილთა პორტრეტებს ხატავს და კედელზე მერლინ მონროს პორტრეტი გააკრა, მისი ჩამოხსნა გადაწყვიტა.

ფოტო: ქუთაისი პოსტი

ფოტო: ქუთაისი პოსტი

ფოტო: ქუთაისი პოსტი