უეფას ჩემპიონთა ლიგის მომდევნო სამი სეზონი საზოგადოებრივი მაუწყებლის ნაცვლად, სილქ უნივერსალზე გავა. საზოგადოებრივმა მაუწყებელმა შესაბამისი ტენდერი ვერ მოიგო.

On.ge-ის წყაროს ცნობით, სილქნეტმა აღნიშნული უფლება უეფასთან მოლაპარაკებების შემდეგ მოიპოვა. უეფას მთავარი მოთხოვნა იყო, რომ მატჩები ისეთ არხზე გასულიყო, რომელიც მთელ საქართველოს ფარავს და ყველასთვის ხელმისაწვდომია.

სილქნეტის გადაწყვეტილებით, მომდევნო სამი სეზონის ჩემპიონთა ლიგის ტურის ცენტრალური მატჩები სილქ უნივერსალზე გადაიცემა, ხოლო ნაკლებად მნიშვნელოვანი მატჩები სილქნეტის სხვა სპორტულ არხებზე.

გარდა ამისა, სილქნეტმა ესპანეთის პრიმერა დივიზიონის მატჩების ჩვენების უფლებაც მოიპოვა. კომპანია ლა ლიგას მომდევნო ხუთი წლის განმავლობაში აჩვენებს.

აქამდე, წლების განმავლობაში, ჩემპიონთა ლიგას საზოგადოებრივი მაუწყებელი გადმოსცემდა. ცოტა ხნის წინ ცნობილი გახდა, რომ საზოგადოებრივმა მაუწყებელმა ჩემპიონთა ლიგის ჩვენების უფლება ვეღარ მოიპოვა. ამის მიზეზი კი, ტენდერში ვერ გამარჯვება გახდა.