IMedia Hub-ისა და Coub Georgia-ს ორგანიზებით, საქართველოში პირველად გაიმართება 2017 წლის Coub-ის შემაჯამებელი ღონისძიება. ღონისძიებაზე წარმოდგენილი იქნება წლის საუკეთესო, ყველაზე სახალისო ქართული ქოუბები და გამოვლინდებიან გამარჯვებულები სხვადასხვა კატეგორიაში.

წარმოდგენილი იქნება ექვსი ნომინაცია:

  • საუკეთესო ქართველი ქოუბერი
  • საუკეთესო რადიო ქოუბი
  • საუკეთესო Mashup
  • საუკეთესო ქოუბი ქართულ თემატიკაზე,
  • საუკეთესო დაუფასებელი ქოუბი
  • სპონსორის, Menu.ge-ს რჩეული.

ღონისძიების მიზანია პლატფორმა Coub-ის პოპულარიზაცია ქართულ ბაზარზე და მისი, როგორც ახალი სოციალური არხის პოტენციალის წარმოჩინება და ქართველი ქოუბერების წახალისება.

Coub Georgia Award 2017-ის გენერალური სპონსორია VEON Gerogia. VEON ქართულ ბაზარზე პირველი კომპანიაა, რომელიც პლატფორმა Coub-ს მარკეტინგული აქტივობებისათვისა და სოციალურ მედია არხად იყენებს.

Menu.ge დაჯილდოებაზე საკუთარ რჩეულს გამოავლენს და სპონსორის პრიზს გადასცემს. კომპანიის მიზანია, წაახალისოს საკუთარი სეგმენტი - ინტერნეტისა და მარტივი აპლიკაციების მომხარებელი ახალგაზრდები.

ივენთის საინფორმაციო მხარდამჭრები არიან: Marketer.ge, adjaranet.com, CHCHX
Production, რადიო ფორტუნა და პირველი არხი.

ღონისძიება ჩატარდება 17 თებერვალს ფაბრიკაში 19:00 საათზე, ცერემონიის დასრულების შემდეგ ბარ Dive x Fabrika-ში გაიმართება after party. დასწრება შესაძლებელია მხოლოდ მოსაწვევის მიღების შემთხვევაში. დარეგისტრირება ამ ბმულზე შეგიძლიათ.