საქართველოს ვიცე-პრემიერმა და შინაგან საქმეთა მინისტრმა გიორგი გახარიამ, რუსეთის მოქალაქეობა 2016 წლის 14 ნოემბერს დატოვა. გახარიას მოქალაქეობის დატოვების შესახებ დამადასტურებელი დოკუმენტები ლიბერალმა გამოითხოვა.

2016 წლის 27 ნოემბერს გახარია ეკონომინიკისა და მდგრადი განვითარების მინისტრად დაინიშნა.

"დასტურდება, რომ საქართველოში შვეიცარიის საელჩოსთან არსებული რუსეთის ფედერაციის ინტერესების სექციის გადაწყვეტილებით, გავიდეს რუსეთის ფედერაციის მოქალაქეობიდან 2016 წლის 14 ნოემბრიდან", - ნათქვამია ლიბერალის მიერ გამოქვეყნებულ დოკუმენტში.

ამჟამინდელმა შინაგან საქმეთა მინისტრმა რუსეთის მოქალაქეობა ვლადიმერ პუტინის ბრძანებულებით 2005 წლის 5 აგვისტოს მიიღო. ასევე, ლიბერალის მიერ გამოთხოვნილი ინფორმაციის მიხედვით, გახარიამ საქართველოს მოქალაქეობა 2012 წლის 18 სექტემბერს მიიღო.

გიორგი გახარიას ბიოგრაფია:

  • 2017 წლის 13 ნოემბრიდან – საქართველოს ვიცე-პრემიერი, შინაგან საქმეთა მინისტრი
  • 2016 წლის 27 ნოემბერი - 2017 წლის 13 ნოემბერი - საქართველოს ეკონომიკისა და მდგრადი განვითარების მინისტრი
  • 2014 წლის დეკემბერი - 2016 წლის სექტემბერი - ეკონომიკური საბჭოს მდივანი
  • 2013 წლის მარტი - 2016 წლის ივლისი - საქართველოს ბიზნესომბუდსმენი
  • 2008 წლის ნოემბერი-2013 წლის თებერვალი - Lufthansa Service Holding AG. LSG, Frankfurt am Main, Germany GR & ბიზნესის განვითარების დირექტორი აღმოსავლეთ ევროპაში, დსთ-ს ქვეყნებსა და რუსეთის ფედერაციაში
  • 2006 წლის სექტემბერი-2009 წლის მაისი - მოსკოვის სახელმწიფო უნივერსიტეტის გამოყენებითი ბიოტექნოლოგიის მოწვეული ლექტორი
  • 2004 წლის მაისი-2008 წლის ნოემბერი - SFK Group - გენერალური დირექტორი