140 წლის შემდეგ, ჟორჟ ბიზეს ოპერა "კარმენის" მთავარი ბოშა პერსონაჟი შურისძიებისთვის ემზადება.

1875 წელს შექმნილი ისტორია, 2018 წელს ფლორენციის ოპერის სცენაზე სულ სხვა ინტერპრეტაციით წარსდგება მაყურებლის წინაშე. ბოშა ქალის ისტორია ქალებზე ძალადობასთან საბრძოლველად, ახალი დასასრულით დადგეს.

ოცდამეერთე საუკუნის ვერსიაში, რომელიც იტალიელმა რეჟისორმა ლეო მუსკატომ დადგა, კარმენი აღარ კვდება.

"სამწუხაროდ ჩვენს ეპოქაში ქალებს ხშირად კლავენ. ასეთ დროს კი არასწორად მიმაჩნია დავდგა ოპერა, სადაც ქალი, რომელიც თვისუფლებისთვის იბრძვის კვდება. ეს არასწორია", - ამბობს რეჟისორი ლეო მუსკატო.

იტალიის სტატისტიკის ეროვნული სამსახურის მონაცემებით, ყოველი სამი იტალიელი ქალიდან ერთი სექსუალური ან ფიზიკური ძალადობის მსხვერპლია. 2016 წლის მონაცემებით კი ერთი წლის განმავლობაში 149 ქალი მოკლეს.

"ფემიციდი იტალიაში ერთ-ერთ უმთავრეს პრობლემად რჩება. თეატრს ხშირ შემთხვევაში ეთიკური და სოციალური ფუნქციები გააჩნია, ჩვენ "კარმენის" ახალი დადგმით მკაფიო მესიჯი გავგზავნეთ. გვინდა სახელმწიფომ და საზოგადოებამ ერხელ და სამუდამოდ დაასრულოს ქალების მკვლელობები ამ სახელმწიფოში", - ამბობს ფლორენციის ოპერის მედიასთან ურთიერთობის სამსახურის უფროსი.