2017 წლის ერთ-ერთ მთავარ კინომოვლენად აღიარებული ქრისტოფერ ნოლანის ფილმი, Dunkirk, მეორე მსოფლიო ომის დროს ერთ-ერთი ყველაზე მასშტაბური ბრძოლის ისტორიას მოგვითხრობს, რომელიც 1940 წლის 26 მაისიდან 4 ივნისამდე გრძელდებოდა.

ეს ის პერიოდია, როდესაც გერმანიის ძალებმა ჰოლანდიის დაპყრობის შემდეგ გეზი ბელგიისკენ აიღეს, გადალახეს საფრანგეთის საზღვრები სედანთან, შემდეგ კი ლა-მანშისაკენ გაემართნენ. მოკავშირეების ძალები ფაშისტთა რაზმებს მდინარე სომის ოკეანესთან შეერთების ადგილზე დახვდნენ.

რამდენიმე დღიანი ბრძოლის შემდეგ, 4 ივნისს მოკავშირეებმა მოახდინეს ძალების ევაკუაცია ბრიტანეთის კუნძულებზე.

ისტორია, რომელიც ნოლანმა კინოეკრანზე გადმოიტანა, მაქსიმალურად არის მიახლოებული იმ რეალობასთან, რომელიც 78 წლის წინ დიუკნერკში ხდებოდა. როგორც აღმოჩნდა რეჟისორმა არქივიდან სპეციალურად გამოითხოვა იმ პერიოდის ამსახველი ფოტო და ვიდეო მასალა.