პარლამენტში საკომიტეტო მოსმენაზე შინაგან საქმეთა მინისტრმა, გიორგი გახარიამ განაცხადა, რომ პოლიციის აკადემია უმაღლესი განათლებიდან პროფესიულ განათლებაზე ორიენტირებულ უწყებად გარდაიქმნება.

მისივე თქმით, ის ინფრასტრუქტურა და ინსტიტუციონალური მოწყობა, რომელიც დღეს შინაგან საქმეთა სამინისტროში პოლიციის აკადემიის სახით არსებობს, არის ძლიერი კომპონენტი, თუმცა შესაძლებელია მისი უფრო ეფექტურად გამოყენება.

"ვერ ვხედავთ აუცილებლობას რომ ის იყოს უმაღლესი განათლებით დაკავებული. შესაბამისად, აქაც ვაპირებთ გარკვეულ გადალაგებას. პოლიციის აკადემია უნდა იყოს ერთ-ერთი და საბოლოოდ ერთადერთი წყარო სისტემაში ადამიანების მოხვედრის, ეს არის ერთადერთი საუკეთესო საშუალება მოვიზიდოთ საუკეთესო ახალგაზრდა კადრები შინაგან საქმეთა სამინისტროში", - განაცხადა გიორგი გახარიამ.