პეჩორის სასამართლოში პროკურორმა განაცხადა, რომ შესაძლოა, ახალი ძალების მოძრაობის ლიდერი, მიხეილ სააკაშვილი რუსეთის სპეცსამსახურებმა მოკლან, წერს Pravda.

მან სასამართლოში სააკაშვილისთვის ელექტროსამაჯურით შინაპატიმრობის შუამდგომლობა დააყენა, რათა სააკაშვილის სიცოცხლესა და ჯანმრთელობას საფრთხე არ შეექმნას.

"არსებობს ინფორმაცია, რომ კურჩენკოს დანაშაულებრივი საქმიანობის აღწერასთან დაკავშირებით, რუსეთის სპეცსამსახურები უკრაინაში სანდო პირების მეშვეობით ცდილობენ სააკაშვილთან და დანგაძესთან დაკავშირებას, რათა კურჩენკოსთან საუბრის დეტალები გაარკვიონ. სიტუაციის დესტაბილიზაციის ერთ-ერთ ვარიანტად კი, შესაძლოა, სააკაშვილისა და დანგაძის ლიკვიდაცია განიხილებოდეს", - განაცხადა პროკურორმა.

პროკურორის თქმით, შინაპატიმრობის შემთხვევაში სააკაშვილზე 24-საათიანი ზედამხედველობა იქნება, რის გამოც სავარაუდო მისი ლიკვიდაცია თავიდან იქნება აცილებული.

დღეს, 11 დეკემბერს, მთელი დღის განმავლობაში მიხეილ სააკაშვილის სასამართლო პორცესი მიმდინარეობს. უკრაინის ხელისუფლება მას გადატრიალების მცდელობასა და ამ მიზნით ფულის რუსეთისგან მობილიზებაში ადანაშაულებს. მის ერთ-ერთ მთავარ მოკავშირედ კი რუსეთში მიმალვაში მყოფ უკრაინელ ოლიგარქ სერგეი კურჩენკოს ასახელებს.

უკრაინის გენერალურმა პროკურორმა იური ლუცენკომ 5 დეკემბერს უკრაინის რადაში გამოსვლისას განაცხადა, რომ კურჩენკო სააკაშვილის მიერ ორგანიზებულ საპროტესტო გამოსვლებს აფინანსებდა და თავად ოდესის ოლქის ყოფილ გუბერნატორსაც სოლიდურ თანხას აწვდიდა. ბრიფინგზე ლუცენკომ გაასაჯარაო აუდიო ჩანაწერი. მისი მტკიცებით, აუდიჩაბაწერში სააკაშვილი და კურჩენკო საუბრობენ და სამომავლო თანამშრომლობას გეგმავენ.