საქართველოს ექს-პრეზიდენტი მიხეილ სააკაშვილი 256-ე მუხლის პირველი ნაწილის საფუძველზე დააკავეს, რაც დანაშაულებრივი ორგანიზაციების ხელშეწყობასა და მათი დანაშაულებრივი საქმიანობის დაფარვას ითვალისწინებს. ამის შესახებ უკრაინის უსაფრთხოების სამსახური ავრცელებს ინფორმაციას. ბრალის დამტკიცების შემთხვევაში მას სამიდან ხუთ წლამდე პატიმრობა ემუქრება.

სამსახურის განცხადებაში ნათქვამია, რომ სააკაშვილი ადვოკატის თანდასწრებით დააკავეს და მისი დაკითხვა იგეგმება.

ოდესის ყოფილი გუბერნატორის დაკავებსთან დაკავშირებით 16 საათზე განცხადებას გააკეთებს გენერალური პროკურორი იური ლუცენკო.

დაკავებული მიხეილ სააკაშვილის მანქანით გაყვანა ამ დრომდე ვერ ხერხდება. მისმა მხარდამჭერებმა ბარიკადები აღმართეთს, აქციის ერთ-ერთმა მონაწილემ კი ბენზინი გადაისხა და თავის დაწვა სცადა.

რამდენიმე საათის წინ კიევში საკუთარ ბინაში მიხეილ სააკაშვილი დააკავეს. დილიდან გენერალური პროკურატურა და უსაფრთხოების სამსახური, საქართველოს ყოფილი პრეზიდენტის ბინას ჩხრეკდა. ჩხრეკის გამო ის შენობის სახურავზე ავიდა და გადმოხტომით იმუქრებოდა.