კომუნიკაციებისა და ტექნოლოგიების კომპანია ბილაინმა Apple-თან ოფიციალური ხელშეკრულება გააფორმა და დღეიდან მომხმარებელს iPhone-ზე წინასწარი შეკვეთის და განვადების საუკეთესო პირობას სთავაზობს.

ბილაინის ონლაინ მაღაზიასა და გაყიდვების ოფისებში, ერთ წლიანი გარანტიით, iPhone-ის, შემდეგი მოდელების შეძენა იქნება შესაძლებელი:

  • iPhone X 64 GB (ფერები: Space Grey; Silver)
  • iPhone X 256 GB
  • iPhone 8

განვადების პირობები - პირველადი შენატანის გარეშე, თვეში 117.38 ლარიდან.

iPhone-ის შეძენისას ბილაინის აბონენტებს ექნებათ საშუალება განვადების პერიოდის მიხედვით ყოველთვიური ბონუსით ისარგებლონ.

iPhone-ის შეკვეთისთვის მომხმარებელმა ბილაინის ოფიციალურ ვებ გვერდზე Beeline.ge უნდა შეავსოს განაცხადი.

ბილაინის მაღაზიებში iPhone-ის შეძენა 8 დეკემბრიდან იქნება შესაძლებელი.

”ჩვენ ვცდილობთ რომ არსებულ და ახალ აბონენტებს მრავალფეროვანი და ხელმისაწვდომი მომსახურება შევთავაზოთ. დღითიდღე იზრდება იმ ადამიანების რიცხვი, ვინც ბილაინს მობილური მომსახურების გარდა, მობილური ტელეფონების შესაძენადაც აკითხავს. iPhone ერთერთი ყველაზე პოპულარული და მოთხოვნადი მობილური ტელეფონია, სწორედ ამიტომ ოფიციალური iPhone-ის შეძენა მომხმარებელს განვადების ყველაზე ხელსაყრელი პირობებით და ბონუსური სისტემით შეეძლებათ„ – აცხადებს კომპანიის კომერციული დირექტორი ლაშა ტაბიძე.