სახელმწიფო მინისტრმა შერიგებისა და სამოქალაქო თანასწორობის საკითხებში, ქეთევან ციხელაშვილმა გიორგი გიუნაშვილის გათავისუფლებასთან დაკავშირებით განაცხადა, რომ გაცვლა არ ყოფილა და ის გათავისუფლდა.

"ახლა გაცვლაზე არ არის საუბარი. ახლა არის საუბარი იმაზე, რომ ეს არის მთლიანად ამ პროცესის ნაწილი. თქვენ იცით იმ ადამიანებსი გვარები, რომლებიც წინა წელს დაუკავშირდა. წინა შემთხვევებშიც, აფხაზური მხარე ძალიან აქტიურად მუშაობდა და ჩვენ მაშინაც აღვნიშნეთ მათი პოზიტიური როლი პროცესში", - განაცხადა ციხელაშვილმა.

გუშინ, 26 ნოემბერს, სამხრეთ ოსეთის დე-ფაქტო რესპუბლიკამ 18-თვიანი პატიმრობის შემდეგ გიორგი გიუნაშვილი გაათავისუფლა. მას ტერორისტული საქმიანობა ედებოდა ბრალად და 20-წლიანი პატიმრობა ჰქოდნა მისჯილი.

ოსური მხარის მიერ გავრცელებული ინფორმაციით, გიუნაშვილი აფხაზ პატიმარში გაცვალეს, რომელიც სასჯელს ქართულ ციხეში იხდიდა. მათივე თქმით, გაცვლა აფხაზეთის დე-ფაქტო პრეზიდენტის თხოვნის საფუძველზე მოხდა.