უმრავლესობას გემახსოვრებათ მელ გიბსონისა და ჰელენ ჰანტის პოპულარული ფილმი რა სურთ ქალებს, რომელმაც კინოგაქირავებაში $374 მილიონი დააგროვა.

სულ მალე ჰოლივუდში ამ ფილმის ახალ ვერსიას - რა სურთ კაცებს, გადაიღებენ, რომელშიც მთავარ როლს ოსკარის ნომინანტი მსახიობი ტარაჯი პი ჰენსონი შეასრულებს.

სიუჟეტის მიხედვით, ჰენსონის პერსონაჟს, რომელიც სარეკლამო ბიზნესშია, კაცების ფიქრები ესმის.

ფილმს Paramount გადაიღებს, მისი პროდიუსერები კი უილ პაკერთან და ჯეიმს ლოპესთან ერთად თავად ტარაჯი პი ჰენსონი იქნება.

კინოსურათის გამოსვლის სავარაუდო თარიღად 2019 წლის 11 იანვარი სახელდება.