სერიალ Mad Men-ის შემქმნელს მეთიუ ვეინერს ამავე შოუს სცენარისტი კეიტერ გორდონი სექსუალურ შევიწროებაში ადანაშაულებს.

გორდონი ყვება, რომ გადასაღებ მოედანზე ის თავდაპირველად ვეინერის ასისტენტად მივიდა, შემდეგ მას სცენარის დაწერაში ეხმარებოდა, მოგვიანებით კი მეთიუმ ის ოფიციალურად დაამტკიცა სერიალის ერთ-ერთ სცენარისტად. აღსანიშნავია, რომ კეიტერის მიერ შექმნილმა ერთ-ერთმა ეპიზოდმა, Meditations In An Emergency, 2009 წელს მას სატელევიზიო აკადემიის მთავარი ჯილდო, Emmy მოუტანა.

როგორც კეიტერი ყვება ერთ-ერთი გადაღების დასრულების შემდეგ მეთიუ მასთან მივიდა და უთხრა, რომ სურდა შიშველი ენახა.

"შენ ჩემი გმართებს, მსურს შიშველი გნახო - მითხრა მან. ადგილზე გავიყინე და არ ვიცოდი რა მეთქვა. ეს ყველაზე საშინელი სიტუაცია იყო რომელშიც ოდესმე აღმოვჩენილვარ. თქვა, რომ ჩემს კარიერას დაასრულებდა, თავისი ქცევებით კი მასთან მუშაობას შეუძლებელს ხდიდა. სამსახური ჩემით ნებით დავტოვე, მუდმივად ჩნდებოდა კითვა, რატომ დავტოვე შოუ, განსაკუთრებით კი მას შემდეგ, რაც ემი მივიღე. ამას მეკითხებოდა პრესა და ტელევიზია, მე კი ყველანაირად ვცდილობდი ამ კითხვაზე პასუხის გაცემისგან თავი ამერიდებინა", - ყვება გორდონი.

შეგახსენებთ რომ, მეთიუ ვეინერი ამჟამად ახალ სერიალზე, The Romanoffs, მუშაობს. დრამას ამაზონი გადაიღებს, მთავარ როლს კი იზაბელ იუპერი შეასრულებს.