საქართველოს ყოფილი პრეზიდენტი და ოდესის ყოფილი გუბერნატორი, მიხეილ სააკაშვილი ამბობს, რომ მან მიგრაციის სამსახურიდან დოკუმენტი მიიღო. სააკაშვილის განმარტებით, დოკუმენტი ადასტურებს რომ ის უკრაინაში კანონიერადაა.

მიხეილ სააკაშვილმა ფეისბუკის ოფიციალურ გვერდზე შესაბამისი დოკუმენტის ფოტოც გამოაქვეყნა.

ექს-პრეზიდენტსა და ოდესის ყოფილ გუბერნატორს, მიხეილ სააკაშვილს უკრაინის მოქალაქეობა პრეზიდენტ პოროშენკოს გადაწყვეტილებით 26 ივლისს, ამერიკაში ვიზიტისას ჩამოერთვა.

10 სექტემბერს სამართალდამცავების წინააღმდეგობის მიუხედავად უკრაინის ტერიტორიაზე მყოფმა სააკაშვილის მხარდამჭერებმა კორდონი გაარღვიეს და სააკაშვილი უკრაინის ტერიტორიაზე გადაიყვანეს. ამ ფაქტთან დაკავშირებით უკრაინაში გამოძიება უკვე მიმდინარეობს. 13 სექტემბერს სააკაშვილმა უკრაინის ქალაქებში ხალხთან შეხვედრები დაიწყო.