ჰარი პოტერის ფინალური ფილმიდან 15 წლის შემდეგ, რუპერტ გრინტი რონ უიზლის როლს უბრუნდება.

38 წლის მსახიობი 2027 წლის თებერვალში ბროდვეის სპექტაკლის, ჰარი პოტერი და დაწყევლილი ბავშვის სამსახიობო შემადგენლობას შეუერთდება.

ფოტო: Vanity Fair

ორნაწილიანი პიესა, რომელიც სერიალ Adolescence-ის სცენარისტმა ჯეკ თორნმა ჯოან როულინგთან ერთად დაწერა, ჰოგვორტსის სტუდენტების ახალ თაობაზე მოგვითხრობს. რუპერტი სპექტაკლში ზრდასრული რონ უიზლის პერსონაჟს განასახიერებს.

გრინტმა აღნიშნა: "განსაკუთრებული, თითქოს ერთდროულად ნაცნობი და სრულიად ახალი გრძნობაა რონის როლში დაბრუნება ახლა, როცა ორივე მამები ვართ".

ფოტო: Bustle

გრინტი სპექტაკლში 2027 წლის 2 თებერვლიდან 30 მაისამდე მიიღებს მონაწილეობას. მანამდე კი, 2027 წლის იანვრის ჩათვლით, სპექტაკლში დრაკო მალფოის როლს ტომ ფელტონი ასრულებს. სლიზერინის ვარსკვლავი საყვარელ როლს გასული წლის ნოემბერში დაუბრუნდა.

ასევე იხილეთ: