საჩუქრის ყიდვა კარგად გამოგვდის. ვიცით, ვის რა გაუხარდება, რომელი ფერი უყვარს და რას ინახავს დიდი ხნის სურვილების სიაში. სხვისთვის არჩევისას დეტალებსაც კი მნიშვნელობა აქვს.

საკუთარ თავთან კი უცნაურად მკაცრები ვხდებით: ჯერ ყველა სხვა ადამიანი, ყველა სხვა საჭიროება და ყველა სხვა მიზეზი. ჩვენთვის სასურველი ნივთი კი შეიძლება თვეების განმავლობაში სურვილების სიაში დარჩეს მხოლოდ იმიტომ, რომ მისი ყიდვისთვის საკმარისად მნიშვნელოვანი მიზეზი ვერ მოვიფიქრეთ. არადა, ზოგჯერ მიზეზი საჭირო საერთოდ არ არის.

საჩუქრის ყიდვა შეიძლება ყველაზე მარტივი ფორმა იყოს იმის საჩვენებლად, რომ საკუთარ სურვილებსაც ვუსმენთ, ჩვენს შრომასაც ვაფასებთ და პატარა სიხარულებისთვის ადგილსაც ვპოულობთ.

საკუთარი თავისთვის საჩუქრის გაკეთებას კი იმაზე მეტი მნიშვნელობა შეიძლება ჰქონდეს, ვიდრე გგონია:

1. საკუთარ თავს ყველაზე კარგად იცნობ

სხვისთვის საჩუქრის არჩევისას თითქოს დეტექტივს ვემსგავსებით. ვიხსენებთ შემთხვევით ნათქვამ ფრაზებს, ვაკვირდებით, რომელ ნივთთან ჩერდება მაღაზიაში, ვიცით მისი საყვარელი ფერი და ისიც, რასაც თავად არასდროს იყიდის, მაგრამ აუცილებლად გაუხარდება, თუ ვინმე აჩუქებს.

საკუთარ თავთან კი ყველაფერი გაცილებით მარტივია. ზუსტად ვიცით, რა გაგვახარებს, რომელ ნივთს ვუბრუნდებით ისევ და ისევ და რა დარჩა ჩვენი სურვილების სიაში იმაზე დიდხანს, ვიდრე თავიდან გვეგონა.

ამიტომ საკუთარი თავისთვის შერჩეულ საჩუქარს ერთი დიდი უპირატესობა აქვს: შეცდომით არჩეული თითქმის ვერასდროს იქნება.

2. ზოგჯერ კარგი ნივთი უბრალოდ კარგ ინვესტიციადაც იქცევა

საკუთარ თავზე ფულის დახარჯვისას უცნაური დანაშაულის განცდა გვიჩნდება ხოლმე. თითქოს თუ რაღაც აუცილებელი არ არის, მისი ყიდვის უფლება ჯერ არ გვაქვს. იგივე თანხა საყვარელი ადამიანისთვის რომ დავხარჯოთ, ბევრად ნაკლებად გვაფიქრებს. უფრო მეტიც, პირიქით, გვიხარია, რომ მისთვის რაღაც კარგის გაკეთება შეგვიძლია.

არადა, საკუთარ თავისთვის საჩუქრის გაკეთება, დანაშაული ნამდვილად არაა.

ასეთ დროს იმ ნივთის ყიდვა, რომელზეც დიდი ხანია ოცნებობ, ფულის უაზრო ფლანგვა კი არა, შენს ყოველდღიურ კომფორტსა და განწყობაში ჩადებული საუკეთესო ინვესტიციაა.

3. ჩვეულებრივ დღეებს ახალ მუხტს სძენ და მოტივაციას იბრუნებ

ხშირად ველოდებით, რომ ვინმე ჩვენს დაღლას ან გაწეულ შრომას შეამჩნევს და დაგვაჯილდოებს, თუმცა საკუთარი თავის დასაჩუქრება ყველაზე სწრაფი გზაა ენერგიის აღსადგენად. პატარა სიამოვნებაც კი ტვინისთვის მკაფიო სიგნალია, რომ შენი შრომა დაფასებულია. ეს ყველაფერი კი მხოლოდ იმიტომ, რომ შენაძენს თან პოზიტიური ემოცია მოჰყვება, რომელიც რუტინულ დღეებს აფერადებს და ამოსუნთქვის საშუალებას გაძლევს.

როცა ყოველდღიურობაში რაღაცის მოლოდინი ჩნდება, საქმის გაგრძელებაც და ახალი მიზნებისკენ მოძრაობაც უფრო მარტივი ხდება.

4. საკუთარი სურვილების დაფასებას სწავლობ

საკუთარ სურვილებზე ზრუნვა იმას არ ნიშნავს, რომ ყოველთვის ყველაფერს ჩვენი თავისთვის ეგოისტურად ვაკეთებთ. როცა დიდი ხანია რაღაც გვინდა, მაგრამ ყოველ ჯერზე რაღაცას ვიმიზეზებთ, ნელ-ნელა ვეჩვევით, რომ ჩვენი სურვილები სხვების საჭიროებებზე ნაკლებად მნიშვნელოვანია.

საკუთარი თავისთვის საჩუქრის ყიდვა ამ ჩვევის შეცვლის პატარა, მაგრამ მნიშვნელოვანი ნაბიჯია. ამ დროს საკუთარ სურვილს უბრალოდ ვაღიარებთ. იმის გაცნობიერება, რომ ჩვენი ინტერესებიც მნიშვნელოვანია, უბრალოდ ჯანსაღი თვითშეფასების ნაწილია.

5. უბრალოდ იმსახურებ

ყველა საჩუქარს დამსახურება არ სჭირდება. საყვარელ ადამიანს რაღაცას იმიტომაც ვჩუქნით, რომ მისი გახარება გვინდა. საკუთარ თავთანაც შეგვიძლია იგივე დამოკიდებულება გვქონდეს.

არ არის აუცილებელი, ჯერ რაღაც განსაკუთრებული გავაკეთოთ, რთული პერიოდი გადავლახოთ ან კონკრეტულ მიზანს მივაღწიოთ, რათა საკუთარი თავი დავასაჩუქროთ. ზოგჯერ ისიც კი საკმარისია, რომ ყოველდღე ვცდილობთ, ვმუშაობთ, ვსწავლობთ, ვზრუნავთ სხვებზე ან სულაც უბრალოდ ვარსებობთ.

თუ ამ ყველაფრის შემდეგ საკუთარი თავისთვის საჩუქრის არჩევა გადაწყვიტეთ, ალტას მრავალფეროვანი არჩევანი აქვს. იქ თქვენთვის სასურველ ტექნიკას მარტივად იპოვით — იქნება ეს ახალი სმარტფონი, ყურსასმენი, ლეპტოპი თუ სხვა მოწყობილობა, რომლის შეძენასაც დიდი ხანია გეგმავთ.