თუ 15-სეზონიანი სერიალების 40-წუთიან სერიებს ტელეფონში სქროლვის გარეშე თქვენც ვეღარ უყურებთ, თქვენთვის კარგი ამბავი და ახალთახალი სერიალი გვაქვს!

სოციალური ქსელების, განსაკუთრებით კი ტიკტოკის პოპულარობამ სულ უფრო გაართულა ერთი ობიექტზე ყურადღების ხანგრძლივად გამახვილება. ამან კი სერიალების სრულიად ახალი, სწრაფი ფორმატი წარმოქმნა — მიკროსერიალები (იგივე მიკროდრამები). ეს ვერტიკალური, მაქსიმუმ 2-3 წუთიანი სერიებისგან შემდგარი სერიალებია, რომლებიც პირდაპირ სოციალურ ქსელებში ვრცელდება.

ეს გლობალური ტრენდი უკვე ქართულ ეკრანებზეც გადმოვიდა. 17 აგვისტოს ახალი მიკროსერიალის — არასქროლოს პრემიერა შედგა.

ეს ჩემი ცოლის დაქალების შემქმნელების ახალი სერიალია, რომელიც მოკლე სერიებით ერთი ჩვეულებრივი ოჯახის შესახებ გვიყვება: სამსახურიდან ახლახან წამოსული მამა, ხელოვანი დედა, ეკრანებს მიჯაჭვული ბავშვები და გაბრაზებული ბებია.

@araskrolo

თქვენი აზრით რა ხდება? 👀

♬ Dracula (with JENNIE) - Tame Impala

მთავარ როლებს ასრულებენ: ანანო სირბილაძე, ვანიკო თარხნიშვილი, ანდრია ბაჯელიძე და ფოტინე ჩილაჩავა.

პროდიუსერ ირაკლი საღინაძის თქმით, არასქროლო ჩემი ცოლის დაქალებთან შედარებით უფრო "კეთილი", თუმცა არანაკლებ სატირული სერიალია.

ახალი სერიები სოციალურ ქსელებში ორშაბათიდან-ხუთშაბათის ჩათვლით, 19:00-ზე ვრცელდება. ყოველ შაბათს კი MIKURE-ს YouTube არხზე კვირის შემაჯამებელი სერიები განთავსდება.

ნახეთ პირველი სერია: