ნინა დობრევი ზაფხულს მოდელ დუგი ჯოზეფთან ერთად ატარებს. ჯოზეფი კაცის კანის მოვლის ბრენდის, Bondi Skin Co.-ის დამფუძნებელია.

11 ივლისს 37 წლის მსახიობი ნიუ-იორკში ჯოზეფთან ერთად სეირნობისას შენიშნეს. ფოტოებში ისინი ერთმანეთს ეხუტებიან, ერთ-ერთ კადრში კი 35 წლის ჯოზეფი ნინა დობრევს ლოყაზე კოცნის. მათ შესაძლო ურთიერთობაზე ჭორები რამდენიმე კვირის წინ გავრცელდა.

ნინა დობრევი და დუგი ჯოზეფი ნიუ-იორკში, 2026 წლის 11 ივლისი.

ფოტო: TheImageDirect.com

წყვილის შესაძლო ურთიერთობაზე საუბარი მას შემდეგ დაიწყო, რაც ერთ-ერთმა ინსტაგრამ გვერდმა, Deuxmoi-მ 18 ივნისს ნიუ-იორკში დობრევის და ჯოზეფისა სეირნობის ფოტო გაავრცელა. მოგვიანებით ისინი New York Knicks-ის საჩემპიონო აღლუმზეც შენიშნეს.

ახალი ფოტოები ნინა დობრევისა და მისი ყოფილი საქმროს, შონ უაიტის დაშორებიდან 10 თვის შემდეგ გავრცელდა. ისინი ხუთი წლის განმავლობაში იყვნენ ერთად, საბოლოოდ კი ორმხრივი გადაწყვეტილების საფუძველზე დაშორდნენ. მოგვიანებით გავრცელდა ინფორმაცია, რომ ნინა დობრევს დაქორწინება და ოჯახის შექმნა სურდა, 39 წლის შონ უაიტს კი — არა.

აღსანიშნავია, რომ ნინა დობრევისთვის წლევანდელი წელი დატვირთული აღმოჩნდა. ის რასელ ქროუსა და აარონ პოლთან ერთად კრიმინალურ ექშენ-თრილერში The Get Out მონაწილეობს, რომელიც კინოთეატრების ნაწილში 26 ივნისს გამოვიდა.