მას შემდეგ, რაც მადონას ახალმა სტუდიურმა ალბომმა, CONFESSIONS II, Billboard 200-ის ჩარტში პირველი ადგილი დაიკავა, პოპის დედოფალი საუკეთესო ათეულში პოპის მეფეს, მაიკლ ჯექსონს შეუერთდა. ჯექსონის 1983-84 წლების პირველადგილოსანი ალბომი Thriller ამ კვირის ჩარტში მე-8 პოზიციას იკავებს. ალბათ გასაკვირია, მაგრამ ეს მხოლოდ მეორე შემთხვევაა, როდესაც მაიკლი და მადონა საუკეთესო ათეულში ერთდროულად მოხვდნენ — ბოლოს ეს თითქმის 25 წლის წინ მოხდა.

პირველი შემთხვევა 2001 წლის 1-ელ დეკემბრის დაფიქსირდა, მაშინ, როცა ჯექსონის Invincible ჩარტში მე-4 ადგილს იკავებდა, ხოლო მადონას კრებული, GHV2: Greatest Hits Volume 2 — მე-7 ადგილს.

ფოტო: Independent

მადონასა და ჯექსონის საოცრად წარმატებული კარიერების გათვალისწინებით, როგორ მოხდა, რომ მათი გზები საუკეთესო ათეულში თითქმის არასდროს გადაკვეთილა? მადონა ათეულში პირველად 1984 წლის 6 ოქტომბრის ჩარტში, თავისი სადებიუტო ალბომით მოხვდა. იმ დროისთვის, ჯექსონის ჰიტ ალბომ Thriller-ს ათეული უკვე დატოვებული ჰქონდა.

Thriller-ის შემდეგ, ჯექსონის გარდაცვალებამდე მისი კიდევ 4 ალბომი მოხვდა საუკეთესო ათეულში, გარდაცვალების შემდეგ კი მომღერლის ალბომებმა კიდევ ოთხჯერ მიაღწიეს ათეულს. რაც შეეხება მადონას — მისი სადებიუტო ალბომიდან დაწყებული და CONFESSIONS II-ით დასრულებული, მომღერალმა გამოუშვა 24 ისეთი ალბომი, რომლებმაც საუკეთესო ათეულში შეაღწია.