4-5 ივლისს Lisi Wonderland-ი თბილისში რეგიონის ყველაზე მასშტაბურ მუსიკალურ ფესტივალს — Tbilisi Open Air 2026-ს უმასპინძლებს. წელს ფესტივალი საიუბილეოა და უკვე მე-15-ედ აერთიანებს მუსიკის, ხელოვნების, თავისუფლებისა და მრავალფეროვანი კულტურის მოყვარულებს. ორი დღის განმავლობაში Lisi Wonderland-ი ქართველი და საერთაშორისო არტისტების, საინტერესო კოლაბორაციებისა და მულტიკულტურული გამოცდილების ცენტრად გადაიქცევა. ფესტივალის კარი 4 ივლისს, 14:00 საათზე გაიღება.

კოკა-კოლა Tbilisi Open Air 2026-ის პარტნიორია.

კომპანია კოკა-კოლა ბოთლერს ჯორჯია ათწლეულებია მხარს უჭერს ისეთ მასშტაბურ კულტურულ, მუსიკალურ და სპორტულ ღონისძიებებს, რომლებიც ადამიანებს საერთო ემოციებით, ახალი გამოცდილებითა და პოზიტიური განწყობით აერთიანებს. კომპანიისთვის მსგავსი მასშტაბის ფესტივალის მხარდაჭერა კულტურისა და მუსიკის განვითარებისა და ხელშეწყობის მხარდაჭერას ნიშნავს.

Tbilisi Open Air 2026-ის ორ დაუვიწყარ დღეს კოკა-კოლა სტუმრებს განსაკუთრებული საფესტივალო სივრცით უმასპინძლებს. კოკა-კოლას ზონის სტუმრებს მთელი დღის განმავლობაში ზაფხულის განწყობა, სახალისო აქტივობები, ინტერაქტიული გათამაშებები და გართობა ელოდებათ. Coca-Cola Mix Bar-ში ფესტივალის სტუმრებსა და მონაწილეებს შესაძლებლობა ექნებათ, კოკა-კოლას საავტორო კოქტეილები დააგემოვნონ. იმისთვის, რომ სტუმრებმა ბრენდის აქტივობებში ჩართვა მარტივად შეძლონ, Lisi Wonderland-ის ტერიტორიაზე მსოფლიო ბრენდი ორ სხვადასხვა ლოკაციაზე იქნება წარმოდგენილი. აქტივობებში ჩართულ ყველა მონაწილეს კოკა-კოლას ბრენდირებული, მრავალფეროვანი საჩუქრები და კოქტეილები ელოდება. კოკა-კოლას ზონები Tbilisi Open Air 2026-ს კიდევ უფრო ენერგიულსა და დაუვიწყარს გახდის.

ფესტივალის მუსიკალური ნაწილი წელსაც რამდენიმე სცენაზე გადანაწილდება. მათ შორის, 10 წლის იუბილეს აღნიშნავს ფესტივალის ერთ-ერთი ყველაზე ავთენტური სივრცე — Zion Garden. წლევანდელი გამოშვების ერთ-ერთი მთავარი სიახლე კი სივრცეში Mzesumzira Stage-ის გამოჩენაა, რომელიც ელექტრონული მუსიკის მოყვარულებისთვის დამატებითი მიზიდულობის ცენტრი გახდება. ფესტივალის მთავარ სცენაზე (Main Stage), უცხოელ ჰედლაინერებთან — Slowdive, Hooverphonic, Molchat Doma და სხვებთან ერთად, 4 ივლისს აქტუალური ქართველი არტისტები და, ტრადიციულად, TBILISI NEWCOMERS-ის წლევანდელი გამარჯვებული, ბენდი OCD! წარდგებიან.

Tbilisi Open Air უკვე 15 წელია მუსიკალური ფესტივალის ჩარჩოებს სცდება და დამსწრეებს სრულფასოვან ეკოსისტემას სთავაზობს. წლევანდელ სივრცეში მუსიკის მიღმა რამდენიმე მნიშვნელოვანი აქტივობა გაერთიანდება:

  • მსოფლიო ჩემპიონატის მატჩების ჩვენება: ფეხბურთის გულშემატკივრებისთვის ტერიტორიაზე სპეციალური საფეხბურთო ზონა მოეწყობა, სადაც დიდ ეკრანზე მსოფლიო ჩემპიონატის მერვედფინალური მატჩების ერთად ყურება იქნება შესაძლებელი. კოკა-კოლა FIFA-ს მსოფლიო ჩემპიონატის გლობალური პარტნიორი და ერთ-ერთი მთავარი მხარდამჭერია, რაც ამ საფეხბურთო სივრცეს კიდევ უფრო განსაკუთრებულ მნიშვნელობას სძენს.
  • ნატურალური ღვინის ფესტივალი / Supernatural Natural Wine Festival: ფესტივალის ფარგლებში ჩატარდება ნატურალური ღვინის ფესტივალი, სადაც სტუმრები საუკეთესო ქართული მარნების პროდუქციას დააგემოვნებენ.
    თავისუფლების სოფელი / Freedom Village: გასართობი და შემეცნებითი აქტივობები მთელი დღის განმავლობაში.
  • მრავალფეროვანი სივრცეები: ტერიტორიაზე მოეწყობა კემპინგის ზონა, კვების ობიექტები, მარკეტი და სხვადასხვა გასართობი სივრცე.