Lisi Wonderland-ი ტრადიციულად მზად არის რეგიონის მთავარ მუსიკალურ მოვლენას უმასპინძლოს. სულ რამდენიმე დღეში სტარტს აიღებს საიუბილეო, მე-15 Tbilisi Open Air 2026. საინტერესო კოლაბორაციებსა და მულტიკულტურულ გამოცდილებას სთავაზობს. ფესტივალის კარი 4 ივლისს, 14:00 საათზე გაიღება.

ფესტივალის მუსიკალური ნაწილი წელსაც რამდენიმე სცენაზე გადანაწილდება. მათ შორის, თავის 10 წლის იუბილეს აღნიშნავს ფესტივალის ერთ-ერთი ყველაზე ავთენტური სივრცე, Zion Garden. წლევანდელი გამოშვების ერთ-ერთი მთავარი სიახლე კი სივრცეში Mzesumzira Stage-ის გამოჩენაა, რომელიც ელექტრონული მუსიკის მოყვარულებისთვის დამატებითი მიზიდულობის ცენტრი გახდება. ფესტივალის მთავარ სცენას (Main Stage) კი უცხოელ ჰედლაინერებთან: Slowdive, Hooverphonic, Molchat Doma და სხვებთან ერთად, 4 ივლისს, აქტუალური ქართველი არტისტები და ტრადიციულად პროექტ TBILISI NEWCOMERS-ის წლევანდელი გამარჯვებული, ბენდი OCD! გახსნიან.

Tbilisi Open Air 15 წელია მხოლოდ მუსიკალურ ჩარჩოებს სცილდება და დამსწრეებს სრულფასოვან ეკოსისტემას სთავაზობს. წლევანდელ სივრცეში მუსიკის მიღმა რამდენიმე მნიშვნელოვანი აქტივობა გაერთიანდება:

  • მსოფლიო ჩემპიონატის მატჩების ჩვენება: ფეხბურთის გულშემატკივრებისთვის ტერიტორიაზე სპეციალური საფეხბურთო ზონა მოეწყობა, სადაც დიდ ეკრანზე მსოფლიო ჩემპიონატის მერვედფინალური მატჩების ერთობლივი ყურება იქნება შესაძლებელი;
  • Supernatural Natural Wine Festival: ფესტივალის ფარგლებში ჩატარდება ნატურალური ღვინის ფესტივალი, სადაც სტუმრები საუკეთესო ქართული მარნების პროდუქციას დააგემოვნებენ;
  • თავისუფლების სოფელი / Freedom Village: გასართობი და შემეცნებითი აქტივობები მთელი დღის განმავლობაში
  • მრავალფეროვანი ზონები: ტერიტორიაზე მოეწყობა კემპინგის ზონა, კვების ობიექტები, მარკეტი და სხვადასხვა გასართობი სივრცე.

ბილეთების შეძენა ამ ეტაპზე შესაძლებელია ონლაინ. გარდა ამისა, მსურველებს ბილეთების ყიდვა ადგილზეც შეეძლებათ ფესტივალის ორი დღის განმავლობაში. მათთვის კი, ვისაც ფესტივალზე მხოლოდ ღამის საათებში დასწრება სურს, ხელმისაწვდომია ცალკე ღამის ბილეთები.

მუსიკა ათავისუფლებს!