ჰობარტის აეროპორტის სასაჩუქრე მაღაზიაში ერთ-ერთმა მგზავრმა უცნაური რამ აღმოაჩინა — მაღაზიის თაროზე, რბილ სათამაშოებს შორის, ნამდვილი, ცოცხალი ოპოსუმი იყო მოკალათებული.

მგზავრმა ოპოსუმი მაშინ შეამჩნია, როდესაც ის სათამაშო კენგურუებს, ბილბებს, დინგოებსა და ტასმანიურ ეშმაკებს ათვალიერებდა.

მაღაზიის მენეჯერმა, ლიამ ბლუმფილდმა, აღნიშნა, რომ პატარა სტუმარმა მაღაზიის თანამშრომლებიცა და მომხმარებლებიც აღაფრთოვანა.

იხილეთ ვიდეო:

"მგზავრმა ამის შესახებ ერთ-ერთ თანამშრომელს შეატყობინა, რომელიც საკუთარ ყურებს ვერ უჯერებდა. შემდეგ თანამშრომელმა აეროპორტის ადმინისტრაციაში დარეკა და შეატყობინა, რომ მაღაზიაში ოპოსუმი გვყავდა" — ამბობს ბლუმფილდი.

როგორც აეროპორტის წარმომადგენელმა განაცხადა, ტერმინალიდან გაყვანისას ოპოსუმი ძალიან მშვიდად იქცეოდა.

ბლუმფილდი აღნიშნავს, რომ მაღაზიის პერსონალმა უკვე დაიწყო კენჭისყრა იმის გადასაწყვეტად, თუ რა დაარქვან მათ ჩანთოსან სტუმარს.

ოპოსუმისთვის პატარა კუთხეს მოვაწყობთ, სადაც მის ფოტოს დავკიდებთ. ხოლო როგორც კი სახელს შევურჩევთ, მაღაზიის წინ პატარა პოსტერს გამოვფენთ, რათა დავრწმუნდეთ, რომ მას არავინ დაივიწყებს