გამძლეობა, ხარისხი და თანამედროვე ტექნოლოგიები — სწორედ ამ უპირატესობების გამო ამერიკული ბრენდის Energizer-ის აკუმულატორი მსოფლიოს 160-ზე მეტ ქვეყანაში ლიდერ პოზიციებს ინარჩუნებს. ბრენდი მსოფლიოში აკუმულატორების ერთ-ერთ უდიდეს მწარმოებელ კომპანია CLARIOS-ს ეკუთვნის და ის მომხმარებელს არაერთ უპირატესობას სთავაზობს. საქართველოში Energizer-ის ოფიციალური დისტრიბუტორია თეგეტა მოტორსი.

Energizer-ის უპირატესობები

• საიმედო სასტარტო სიმძლავრე (Cold Cranking Amps — CCA), რაც უზრუნველყოფს სწრაფ დაქოქვას ნებისმიერი ამინდის პირობებში;
• არ საჭიროებს რეგულარულ სერვისებს (მაგალითად, წყლის დამატებას) — ჰერმეტულად დახურულია და მარტივია მისი ექსპლოატაცია;
• გამძლე კონსტრუქცია – კარგად უმკლავდება რთულ გზებსა და ინტენსიურ ექსპლოატაციას;
• ბრენდს აქვს მოდელების ფართო არჩევანი: სტანდარტული ავტომობილებისთვის, SUV-ებისთვის, სატვირთოებისთვის და Start-Stop სისტემის მანქანებისთვის.

მოწინავე ტექნოლოგიები

Stamped Grid Technology — Energizer-ის აკუმულატორები იწარმოება Stamped Grid Technology-ს გამოყენებით. ეს არის უნიკალური მეთოდი, რომელიც ამცირებს ენერგომოხმარებას და CO2-ის ემისიებს. ასევე იცავს კოროზიისგან და ახანგრძლივებს ექსპლოატაციის პერიოდს.

AGM (Absorbent Glass Mat): განკუთვნილია Start-Stop სისტემის ავტომობილებისთვის. უზრუნველყოფს ექსპლოატაციის 3-ჯერ მეტ პერიოდს, მაღალ სასტარტო დენსა და ჰერმეტულობას, რაც საშუალებას აძლევს, ნებისმიერ მდგომარეობაში დამონტაჟდეს.

EFB (Enhanced Flooded Battery): თხევადი ელექტროლიტის მქონე აკუმულატორი, რომელიც უკეთ უძლებს ღრმა განმუხტვას, სწრაფად იმუხტება და ეფექტიანად მუშაობს ექსტრემალურ ტემპერატურაშიც კი.

ისტორია და რეპუტაცია

Energizer-ის ისტორია იწყება 1896 წლიდან, როდესაც პირველი სამომხმარებლო ბატარეა შეიქმნა. მას შემდეგ ბრენდი მუდმივად სთავაზობს მომხმარებლებს ინოვაციურ ტექნოლოგიებზე დაფუძნებულ პროდუქტს და იცავს ეკოლოგიურ სტანდარტებს.

დღეს Energizer არის ბრენდი, რომელიც აერთიანებს მრავალწლიან გამოცდილებას, თანამედროვე ტექნოლოგიებსა და ზრუნვას გარემოზე. მისი გამძლე კონსტრუქცია, მაღალი სასტარტო სიმძლავრე და AGM/EFB ტექნოლოგიები უზრუნველყოფს ავტომობილის საიმედო მუშაობას ნებისმიერ პირობებში.

ავტომობილისთვის ყველაზე ოპტიმალური აკუმულატორის შერჩევა, პროფესიონალი ტექნიკოსების დახმარებით, თეგეტა მოტორსის ფილიალებში, შესაძლებელია ცხელი ხაზის საშუალებითაც T 032 2 264444. Energizer-ის აკუმულატორები ასევე ხელმისაწვდომია ონლაინ tegetashop.ge-ზეც.

--

თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ 300-მდე მსოფლიო ბრენდის წარმომადგენელია საქართველოში, მათ შორის — Bridgestone, Michelin, Varta, Shell, Motul, Hengst და სხვ.