გერმანიის საგარეო უწყებაში საქართველოს ელჩის მოვალეობის შემსრულებელი დაიბარეს. ამის შესახებ ინფორმაცია გერმანიის საგარეო საქმეთა სამინისტრომ X-ზე გაავრცელა.

უწყების მიერ გავრცელებულ ინფორმაციაში ვკითხულობთ, რომ "საქართველოს ხელისუფლების მიერ გერმანიის ელჩის წინააღმდეგ უსაფუძვლო ბრალდებები და აგრესიული რიტორიკა მიუღებელია".

"დღეს საქართველოს ელჩის მოვალეობის შემსრულებელი გერმანიის საგარეო საქმეთა სამინისტრომ დაიბარა. ჩვენ მკაფიო გზავნილი გადავეცით. საქართველოს ხელისუფლების მიერ გერმანიის ელჩის წინააღმდეგ უსაფუძვლო ბრალდებები და აგრესიული რიტორიკა მიუღებელია და უნდა შეწყდეს", —- წერს გერმანიის საგარეო უწყება X-ზე.