ნიდერლანდების საგარეო საქმეთა მინისტრმა კასპარ ველდკამპმა თანამდებობა მას შემდეგ დატოვა, რაც ქვეყნის დროებით მთავრობაში პოლიტიკური ჩიხი შეიქმნა. ეს კრიზისი იმან გამოიწვია, რომ მინისტრი ისრაელის წინააღმდეგ უფრო მკაცრი ზომების მიღებას ითხოვდა. ამის შესახებ ინფორმაციას Politico ავრცელებს.

პარლამენტში გამართული ხანგრძლივი, მაგრამ უშედეგო დებატების შემდეგ, რომლებიც ღაზას ჰუმანიტარულ კრიზისს ეხებოდა, ველდკამპმა განაცხადა, რომ მას "არ ჰქონდა საკმარისი ნდობა," რომ უახლოეს კვირებში ან თვეებში ექნებოდა სივრცე იმ კურსის გატარებისთვის, რომელსაც აუცილებლად მიიჩნევდა.

ველდკამპი, რომელიც წარსულში ნიდერლანდების ელჩი იყო ისრაელში, იმავე დღეს გადადგა, როცა გაეროს მხარდაჭერილმა საკვებისა და უსაფრთხოების სააგენტომ ღაზაში შიმშილის შესახებ გამოაცხადა.